Mataio 16:3 - Tokelauan New Testament

³ I te taeaopōpō e lea koutou, ‘E ua ma matagi te aho auā te lagi e kukula ma fakauli.’ E koutou mafaia oi fakamatala te tau kāfai koutou e kikila ki te lagi, kae e hē koutou mafaia oi fakamatala nā fakailoga o nā mea e tutupu i te taimi nei!

Mataio 16:3 ပူးပေါင်းရင်းမြစ်များ

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Mataio 15:7

Ko koutou ni tino āmio pepelo! Kai te hako lele o Ihaia i tana vāloaga e uiga ki a te koutou!

Mataio 22:18

Kae kua uma te iloa e Iehu a lātou taupulepulega kino, oi lea vē atu ai ki ei, “Ko koutou ni tagata fakagutugutulua! He ā te taulamalama ai koutou ki a te au?

Mataio 23:13

“Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Mataio 7:5

Ko koe ko he tino āmio pepelo! Kave kehe muamua te kogālakau i loto o tō mata, oi fātoā kitea lelei ai e koe ke keu kehe te mea otaota i te mata o tō uho.

Luka 11:44

Kae hāloa la koutou! Ko koutou e vēia ko nā tugamau e hēki fakailoga, ma e havavali kui luga ai ia tagata e aunoa ma te ki lātou iloa.”

Luka 12:56

Ko koutou ni tino āmio pepelo! E koutou iloa oi fakamatala te uiga o nā mea e koutou kitea i te lalolagi ma te lagi; he ā la te hē koutou iloa ai oi fakamatala te uiga o nā mea e tutupu i nā aho nei?”

Luka 13:15

Oi tali atu ai te Aliki ki ei, “Ko koutou ni tagata āmio pepelo! E hē tatalā moni nei e he tino o koutou tana povi, pe ko tana āhini mai te falemanu i te Hāpati, ma takitaki kehe ke fakainu?

Epelu 5:14

Kae ko nā meakai mamafa e mo nā tino kua mātutua, kua i ei te poto māhani ma ki lātou iloa ai oi fakavahega te mea e hako ma te mea e kino.