Mataio 16:27 - Tokelauan New Testament

²⁷ Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 16:27 ပူးပေါင်းရင်းမြစ်များ

Mataio 13:41

ka uga atu e te Ataliki o te Tagata ana agelu ke kave kehe mai i tona Mālō ki lātou uma e takitakia ia tagata ki te agahala, ma iētahi e faia te āmiokino,

Mataio 13:49

E vēnā foki lava te mea ka pa ki ei kāfai e uma te ōlaga nei: ka oatu nā agelu oi fili nā tino agahala mai nā tino āmiotonu

Mataio 24:30

Ka kitea te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka ki lātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 26:64

Kua tali mai ia Iehu, “Ko tēnā lava e lea ai koe. Kae ko au e lea atu ki a te koutou uma, e kāmata atu nei ka koutou kitea te Ataliki o te Tagata e nofo i te itū taumatau o te Hilihilikehe, ma e hau i luga o nā ao o te lagi.”

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Maleko 14:62

“Io, ko au,” kua tali mai ia Iehu, “ma ka koutou kitea te Ataliki o te Tagata e nofo i te itū taumatau o te Hilihilikehe, ma e hau ma nā ao o te lagi!”

Maleko 8:38

Auā ko ai lava he tino i tēnei tupulaga hē talitonu ma te agahala, e mā ia te au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i te mamalu o tona Tamana fakatahi ma te kau agelu paia.”

Luka 21:27

Ma ka kitea atu te Ataliki o te Tagata e haele mai i he ao o te lagi, ma te mana ma te mamalu hilihili kehe.

Luka 22:69

Kae e kāmata atu nei, ko te Ataliki o te Tagata ka nofo i te itū taumatau o te Atua Hilihilikehe te Mālohi.”

Luka 9:26

Auā ko ai lava e mā ona ko au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i tona mamalu ma i te mamalu o tona Tamana ma o te kau agelu paia.

Ioane 21:22

Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”

Ioane 21:23

Oi piha ai te tala i nā tino kua talitonu ma mulimuli ki a Iehu, ko te hoko tēnei e hē oti lele. Ka ko Iehu e hēki lea ko te hoko tēnei e hē oti lele; na lea, “Kāfai au e fofou ke ola pea ia ke toe hau au, he ā te popole ai koe ki ei?”

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

Loma 14:12

Ko ki tātou tau tokatahi uma la, ka tali atu lava te tino ki te Atua, e tuha ai ma ana mea na fai.

Loma 2:6

Auā ka i ei te taui e fōki mai e te Atua mo ki tātou tau tokatahi, e tuha ai ma a tātou mea na fai.

1 Kolinito 15:23

Kae ko tagata tau tokatahi ka fakatutū i he fakahologa e tūlaga tatau: E muamua lava ia Keliho, ma i te taimi e toe haele mai ai, oi hohoko ai ki ei ia tagata o te Atua.

1 Kolinito 3:13

Ma ko te lelei o gāluega a tagata tau tokatahi, ka kitea i te Aho o Keliho. Auā i te Aho tēnā, ko te afi te ka iloa ai ia gāluega a tagata tau tokatahi; ko te afi te ka fuafua ai ma iloa, pe na lelei moni nā gāluega a ki tātou na fai.

1 Kolinito 8:8

Kae e hē fakaleleia e nā meakai to tātou va ma te Atua; e hēai he āfāina kāfai ki tātou e hē kakai ki nā meakai iēnei, oi e hēai foki he āfāina kāfai ki tātou e kakai ki ei.

2 Kolinito 5:10

Auā ko ki mātou uma e tatau ke tutū i mua o Keliho, ke fakamahino e ia. Ka maua e te tino tona lava taui, fua ki ana gāluega nae fai, pe nae lelei, pe nae kino, ka koi ola ia i tona tino fakatetagata.

Efeho 6:8

Ke manatua e koutou, pe ni pologa ki tātou pe hēai, ka fōki mai e te Aliki ki a te ki tātou tau tokatahi te taui, mo a tātou gāluega lelei uma e fai.

Kolohe 3:25

Ma ko tagata holitūlāfono tau tokatahi uma, ka toe taui atu lava ki ei a lātou holitūlāfono, auā ka fakamahinogia e te Atua ia tagata uma, i te fua e fokotahi.

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

1 Tehalonia 4:16

Ka tālili te pa mai o te fakatonuga, te leo o te agelu hili, te leo o te pu a te Atua, ma ko te Aliki lava ia ka fanaifo mai te lagi. Ko ki lātou uma na oti kae talitonu ki a Keliho, ka muamua oi toe tutū mai;

Iakopo 5:7

Koutou la ke onohai, te kau uho, ke pa ki te aho e haele mai ai te Aliki. Kikila ki te onohai o nā faifatoaga ka koi fakatalitali ke maua mai ni fua tāua mai o lātou fenua! E fakatalitali ma te onohai ke pa ki te vāitaimi e ua ai i te kāmataga ma i te vāitaimi ka helehele ai.

1 Petelu 1:17

E lea koutou ko te Atua ko te koutou Tamana, kae ko te Atua e hē fakapito ki he tino. E fakamahino e ia ia tagata uma fua ki nā mea a ki lātou kua fai. Ko te mea ia, i te taimi kātoa e aumau ai koutou i te lalolagi nei e vē ni tino kua fakaaunukua, e tatau koutou ke ola mātataku i te Atua.

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.

Fakaaliga 20:12

Oi kō kitea atu ai nā tino kua oti, ki lātou e takutakua vēnā ma ki lātou e fakatauva, e tutū i mua o te nofoāliki. Kua tatala nā tuhi, ma na tatala ai foki ma hētahi tuhi, te tuhi o te ola. Kua fakamahino nā tino kua oti e tuha ai ma a lātou mea nae fai, e vē oi fakamaumau i loto o nā tuhi.