Mataio 16:24 - Tokelauan New Testament

²⁴ Oi vāgana atu ai ia Iehu ki ona hoko, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Mataio 16:24 ပူးပေါင်းရင်းမြစ်များ

Mataio 10:38

Ko te tino e hē ia amoa tona hātaulo ma mulimuli mai ki a te au, e hē aogā ia mo au.

Mataio 27:32

Ka koi ōatu ki lātou ki fafo o te kakai, kae fetaui ma he tamāloa mai Kulene, ko Himona tona igoa. Oi fakamālohia ai e nā fitafita ia Himona, ke amo e ia te hātaulo o Iehu.

Maleko 10:21

Kua kikila hako atu ia Iehu ki te tamāloa ma tona alofa, oi lea vē atu ai ki ei, “Toe tahi lava la te mea ko hēki kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Maleko 15:21

Kua tau atu ki lātou ki he tamāloa e igoa ki a Himona, nae agai mai ki te kakai mai nā nuku i tua, oi fakamālohia ai e nā fitafita ia Himona ke amo e ia te hātaulo o Iehu. (Ko Himona e hau mai Kulene, ko te tamana ia o Alehana ma Lufo.)

Maleko 8:34

Oi kalaga atu loa ia Iehu ki tagata ma ona hoko ke ōake ki a te ia, oi vāgana atu ai ki ei, “Kāfai he tino e fia mulimuli mai ki a au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Luka 14:27

Ko ai lava he tino e hē ia amoa tona hātaulo ma mulimuli mai ki a te au, e hē mafai ke kavea ia ma oku hoko.

Luka 23:26

Kua takitaki kehe ia Iehu e nā fitafita, oi fetaui ai ma he tamāloa mai Kulene ko Himona tona igoa, e agai mai ki te kakai mai nā nuku i tua. Kua tāofi e ki lātou ia Himona ma tuku ki ona luga te hātaulo ke ia amoa, ma mulimuli i tua o Iehu.

Ioane 19:17

Kua takitaki e ki lātou ki fafo o te kakai e amo tona hātaulo, ma kua taunuku atu ki te koga e igoa ko te “Ulupoko.” (Ko “Kolokota” i te gagana Epelu.)

Ioane 21:19

(Na lea vēnei ia Iehu ke fakailoa ai te auala ka oti ai ia Petelu, ma maua ai he vīkiga mo te Atua.) Oi vāgana atu ia Iehu ki a Petelu, “Mulimuli mai ki a te au!”

Ioane 21:22

Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

1 Tehalonia 3:3

kae nahe i ei he tino o koutou e toe holomuli ona ko nā fakahāuāga. E iloa lelei lava e koutou ko nā fakahāuāga ko he vāega lava tēnā o te finagalo o te Atua mo ki tātou.

2 Timoteo 3:12

Ho he tino e fofou ke ola i he ōlaga āmiotonu i te māfutaga ma Keliho Iehu, ka maua i nā fakahāuāga;

1 Petelu 2:21

Ko tēnei te mea na kalagagia ai koutou e te Atua, auā ko Keliho lava ia na puapuagā mo koutou, ma ia tukua mo koutou he fakatakitakiga, kae ke mulimuli ai koutou ki nā mea nae ia faia.