Mataio 16:23 - Tokelauan New Testament

²³ Kae kua māfuli atu ia Iehu ki ona tua ma lea vē atu ki a Petelu, “Hātani, fano kehe koe ma au! Ko koe kua fai ma fakalavelave ki a te au, auā ko ō manatu e hē mai te Atua, kae ni manatu fakatetagata.”

Mataio 16:23 ပူးပေါင်းရင်းမြစ်များ

Mataio 16:22

Oi tataki kehe ai e Petelu ia Iehu, ma kāmata oi tautala mālohi ki ei, kua lea vē atu, “Te Aliki, ke alofa te Atua ke nahe pa lele koe ki he mea vēnā!”

Mataio 18:7

Hāloa te lalolagi ona e i ei nā mea e tutupu ke fakaohooho ai ia tagata ki te agahala! Ko nā mea iēnei e tatau lava ke tutupu — kae hāloa la te tino e māfua ai iēnei mea!

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Maleko 8:33

Kae kua māfuli atu ia Iehu ki ona tua, ma ia kitea atu ona hoko. Oi tautala mālohi ai ki a Petelu, kua lea vē atu ki ei, “Hātani, fano kehe koe ma au! Auā ko ō manatu e hē mai te Atua, kae ni manatu fakatetagata!”

Luka 4:8

Kua tali mai ia Iehu, “E lea mai te tuhituhiga paia, ‘Ifo atu ki te Aliki tō Atua, ma kaukauna oioti ki a te ia!’ ”

Ioane 6:70

Kua tali atu ia Iehu, “Na kō filifilia te koutou toka hefulu lua? Kae ko tētahi o koutou, ko he tiāpolo.”

Loma 14:13

Ko te mea ia, keina fakauma loa te fakamahino atu o tētahi ki tētahi. Kae e tatau ke tonu loa i tō māfaufau ke nahe toe faia lele e koe he mea ke tau tevateva ai ho uho ia Keliho, pe pakū ai foki ki te agahala.

Loma 14:21

E hako te hē kakai ki nā kanofi o nā manuvaefa, te hē inu ki te uaina, pe ko te fai o he mea e tau tevateva ai ho uho ia Keliho.

Filipi 3:19

Ko te ikuga o nā tino iēnei e fakaumatiagia, auā kua atua ki lātou ki o lātou manakoga fakatetino. E fāfifia i nā mea e tatau ke māhiahi ai, ma e māfaufau oioti lava ki nā mea o te lalolagi.

Kolohe 3:2

Fakafano pea lava outou māfaufau ki nā mea i te lagi, kae e hē ki nā mea i te lalolagi.