Mataio 16:18 - Tokelauan New Testament

¹⁸ Ko au la e lea atu ki a te koe, Petelu; ko koe he papa, i luga o te papa tēnei ka fakatū ai taku Ekalehia, ma e pa lava ki te mālohi o te oti e hē mafai e ia oi fakaumatia.

Mataio 16:18 ပူးပေါင်းရင်းမြစ်များ

Mataio 10:2

Ko nā igoa iēnei o nā apohitolo e toka hefululua: muamua, ko Himona (ko tētahi ona igoa ko Petelu) ma tona uho ko Anitelea; ko Iakopo ma Ioane nā ataliki o Hepetaio;

Mataio 11:23

Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Ko koe ka togi ki lalo ki Heoli. Anei ake nā vāvega nae fai i loto o koe na fai i Hotoma, e vēnei ake koi tūmau lava ia Hotoma ke pa mai ki te aho nei.

Mataio 18:17

Kāfai e hē fakalogo ki a te ki lātou, oi fakailoa ai te mea kātoa ki te Ekalehia. Kāfai la e hē fakalogo foki ki te Ekalehia, oi kavea ai loa ia ke vē he tagata nukukehe, pe he aolāfoga, i tautou māfuta ki ei.

Mataio 4:18

E havali atu ia Iehu i tafa o te Vaitūloto ko Kalilaia kae ia kitea atu he kau uho e toka lua, ko Himona (ko tētahi ona igoa ko Petelu) ma tona uho ko Anitelea, e togi to lā kupega i te vai; auā ko ki lāua ni tino faifaiva.

Mataio 7:24

“Ko te mea ia, ho he tino e lagona e ia nā kupu iēnei a āku ma uhitaki ki ei, e vēia ia ko he tino poto na fau tona fale i luga o te papa.

Ioane 1:42

Oi kave ai e ia ia Himona ki a Iehu. Kua kikila atu ia Iehu ki a Himona, oi vāgana atu ai ki ei, “Ko tō igoa ko Himona te ataliki o Ioane, kae ko koe ka fakaigoa ki a Kepa.” (Ko he kupu i te gagana Alamaika e tutuha ma te igoa Petelu i te gagana Eleni, ko tona uiga “papa.”)

Gāluega 2:47

ma viviki ake ki te Atua ma na talia fiafia ki lātou e tagata uma. Ma ko aho uma lava e fakaopoopo e te Aliki ki te lātou vāega nā tino kua fakaolagia.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Gāluega 8:1

Ma na fiafia ia Haulo i te tāmatega o Hetefano Ko te aho lava tēnā na kāmata ai oi maua ia tagata o te Ekalehia i Ieluhalema i nā fakahāuāga kino. Ma na takape ai ki lātou ki nā kogāfenua uma o Iutea ma Hāmālia, kae vāganā ai te kau apohitolo.

1 Kolinito 15:55

“Te Oti, tēfea tō manumālō? Te Oti, tēfea tō mālohi e fakaogohia ai?”

Kalatia 2:9

Ko Iakopo, ma Petelu ma Ioane, e vē ko ki lātou lava iēnei ko nā takitaki, na iloa e ki lātou ko te gāluega fakapitoa tēnei na fōki mai e te Atua ki a te au; ma na fakamautū ta mātou māliliega ke gālulue fakatahi, i te fakatālofa o ki māua ma Panapa ki ei. Na mālilie fakatahi ki mātou ko ki māua ma Panapa ke gālulue mo tagata nukukehe, kae gālulue ki lātou mo tagata Iutaia.

Efeho 3:10

kae ke fai ai te Ekalehia i nā aho nei, ma auala ke iloa ai e te kau agelu pule ma mālohiaga i te lagi, te matalahi o te poto o te Atua.

Efeho 5:32

Ko te mealilo tēnei kua fakaalia e ala i te tuhituhiga paia, e matuā loloto lava te uiga. I toku mālamalama, e fakatatau ki a Keliho ma te Ekalehia.

Kolohe 1:18

Ko ia ko te ulu o tona tino, ko te Ekalehia tēnā; ko ia ko te puna o te ola mo te Ekalehia. Ko ia ko te Ataliki ulumatua, tē na toe fakatū mai i te oti, kae ke kavea ai ia ma muamua i nā mea uma lele.

1 Timoteo 3:15

nā ia au e tuai atu. Ko te tuhi tēnei e fakailoa atu ai ki a te koe, nā mea e tatau ke havavali ai ki tātou i loto o te kāiga o te Atua, ko te Ekalehia tēnā a te Atua e ola pea lava, ma ko te poutū ma te lagolago o te meamoni.

1 Timoteo 3:5

Auā kāfai he tamāloa e hē ia mafai oi kikila lelei tona kāiga, e vēhea ona mafai e ia oi kikila lelei te Ekalehia a te Atua?

Epelu 12:28

Ko ki tātou la e tatau ke fakafetai, auā e maua e ki tātou he mālō e hē mafai ke lūlūgia. Tātou fakafetai ma tāpuaki ki te Atua i he auala e fiafia ai ia, ma e mamalu lahi ma i ei te mataku;

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”

Fakaaliga 21:14

Ko nā puipui o te kakai na fau ki luga o ni fakavae e hefulu lua, ma e tūhia i luga nā igoa o nā apohitolo e toka hefululua a te Punuamāmoe.