Mataio 16:1 - Tokelauan New Testament

¹ Ko iētahi o te kau Falehaio ma te kau Hatukaio kua ōmamai ke tofotofo ia Iehu, oi na lea ai ki ei ke fai he fakailoga ofoofogia mo ki lātou, ke iloa ai pe kua ia te ia moni te pule mai te Atua.

Mataio 16:1 ပူးပေါင်းရင်းမြစ်များ

Mataio 12:14

Oi olo ai te kau Falehaio ki fafo, ma taupulepule ki he faiga ke tāmate ai ia Iehu.

Mataio 15:1

Oi ōmai ai ni Falehaio ma ni faiakoga o te Tūlāfono mai i Ieluhalema ki a Iehu ma fehili vē atu ki ei,

Mataio 16:6

Kua vāgana atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio ma te kau Hatukaio.”

Mataio 19:3

Oi ōmai ai te kau Falehaio, kua taumafai ke tofotofo ia Iehu i he fehili. Kua lea vē atu ki lātou, “E fakataga nei i te tātou Tūlāfono he tamāloa ke tatala e ia tana āvaga i ho he māfuaaga e fofou ia ki ei?”

Mataio 22:15

Kua olo kehe te kau Falehaio ma kua taupulepule ke māilei ia Iehu i ni fehili e fai ki ei.

Mataio 22:18

Kae kua uma te iloa e Iehu a lātou taupulepulega kino, oi lea vē atu ai ki ei, “Ko koutou ni tagata fakagutugutulua! He ā te taulamalama ai koutou ki a te au?

Mataio 22:23

I te aho lava tēnā, na ōmamai ai ni tino o te kau Hatukaio ki a Iehu ma to lātou talitonuga, e hē mafai nā tino ke toe tutū mai i te oti.

Mataio 23:2

“Ko nā faiakoga o te Tūlāfono ma te kau Falehaio, ni tino kua mālamalama i te Tūlāfono a Mohe.

Mataio 27:62

I te aho alafaki, ko te Hāpati tēnā, na olo ai nā ohitāulaga hili ma te kau Falehaio ki a Pilato

Mataio 5:20

Auā e lea atu au ki a te koutou, e fātoā mafai oioti koutou ke hao atu ki te Mālō o te lagi, pe kāfai e hili atu te koutou fakamāoni i te tauhi ki nā Tūlāfono, i lo nā faiakoga o te Tūlāfono ma te kau Falehaio.

Mataio 9:11

Kua kitea e iētahi Falehaio te mea tēnei, oi fehili vē atu ai ki nā hoko o Iehu, “He ā te kakai fakatahi ai te koutou faiakoga ma nā tino vēnā?”

Maleko 10:2

Oi ōmamai ai te kau Falehaio, kua taumafai ke tofotofo ia Iehu i he fehili. Kua fehili vē atu ki lātou ki a te ia, “Taku mai ake, e fakataga nei i te tātou Tūlāfono he tamāloa ke tatala e ia tana āvaga?”

Maleko 12:15

Ka kua hāfia e Iehu te lātou togafiti oi tali vē atu ai ki ei, “He ā te tau lamalama ai koutou ki a te au? Kaumai he tupe hiliva ke kikila au ki ei.”

Maleko 12:18

Oi ōmamai ai ki a Iehu ni tino o te kau Hatukaio (ko nā Hatukaio e hē talitonu ki te toe tū mai te oti) ma lea vē atu ki ei,

Luka 10:25

Oi hau ai he faiakoga o te Tūlāfono, kua tofotofo e ia ia Iehu ma lea vē atu ki ei, “Te Faiakoga, he ā te tatau ke kō faia, ke maua ai e au te ola e fakavavau?”

Luka 11:16

Ko iētahi tino, nae fofou ke ki lātou tofotofoa ia Iehu, oi lea ai ki ei ke fai he fakailoga ofoofogia, ke iloa ai pe kua ia te ia moni te pule mai te Atua.

Luka 20:23

Kae kua hāfia e Iehu te lātou togafiti, oi lea vē atu ai ki ei,

Luka 20:27

Ko iētahi Hatukaio, te vāega e lea e hēai he toetū, kua ōmamai ki a Iehu ma lea vē mai ki ei,

Ioane 8:6

Na lea vēnei ki lātou ke māilei ai ia Iehu, ma ke ki lātou mōlia ai ki te tūlāfono. Kae kua punou ki lalo ia Iehu ma tuhituhi i tona muamuālima ki luga o te kelekele.

Gāluega 4:1

Koi tautatala atu ia Petelu ma Ioane ki tagata kae taunuku mai ni ohitāulaga, te takitaki o nā leoleo o te Mālumalu, ma iētahi o te kau Hatukaio.

Gāluega 5:17

Oi lagona ai te lotokino lahi e te Ulu Ohitāulaga ma ona hoa uma, ni tino o te kau Hatukaio, ki te kau apohitolo;

1 Kolinito 1:22

Ko tagata Iutaia e fofou ki ni vāvega ke fai ma fakamāoniga, ka ko tagata Eleni e hakilikili ki te poto.