Mataio 15:33 - Tokelauan New Testament

³³ Oi fehili atu ai nā hoko ki ei, “Ko fea nei i te togāvao tēnei te ka maua ai e ki mātou ni meakai e lava ke fafaga ai te kaifenua tokalahi tēnei?”

Mataio 15:33 ပူးပေါင်းရင်းမြစ်များ

Mataio 14:15

Kua fakaafiafi, oi ōmai ai ona hoko ki a te ia ma lea vē mai ki ei, “Ko kinei ko he kogāfenua e tū fua, ma kua pō foki te aho. Keina uga ko nā tino ke olo ki nā nuku e tafapili mai, ke fakatau mai ni a lātou mea ke kai.”

Mataio 15:32

Kua fakapotopoto mai e Iehu ona hoko, oi vāgana atu ai ki ei, “Ko au te alofa ki nā tino iēnei, auā ko te tolu tēnei o aho koi kinei lava ki lātou ma au, ma kua hēai ni a lātou mea ke kai. Ko au e hē fofou ke uga ke olo ka ko hēki i ei ha lātou mea e kai, auā nā he tino e matapogia i luga o te auala.”

Mataio 15:34

“E fia autou falaoa?” kua fehili atu ia Iehu. “E fitu ia falaoa ma ni nai tamā ika,” kua tali mai ki lātou.

Maleko 6:37

Kae kua tali atu ia Iehu ki a te ki lātou, “Fōki ifo e koutou he lātou mea ke kai.” Oi lea atu ai ki lātou ki a te ia, “Ka olo nei la ki mātou oi fakatau mai ni falaoa e tuha ma te luahelau tēnali te tau, ke fafaga ai nā tino?”

Luka 9:13

Kae kua vāgana atu ia Iehu ki ei, “Fōki ifo e koutou he lātou mea ke kai.” Kua tali mai ki lātou, “Oioti lava a tātou meakai, e lima ia falaoa ma nā ika e lua. E fofou la koe ke olo ki mātou oi fakatau mai ni meakai mā te kaifenua kātoa uma tēnei?”