Mataio 15:32 - Tokelauan New Testament

³² Kua fakapotopoto mai e Iehu ona hoko, oi vāgana atu ai ki ei, “Ko au te alofa ki nā tino iēnei, auā ko te tolu tēnei o aho koi kinei lava ki lātou ma au, ma kua hēai ni a lātou mea ke kai. Ko au e hē fofou ke uga ke olo ka ko hēki i ei ha lātou mea e kai, auā nā he tino e matapogia i luga o te auala.”

Mataio 15:32 ပူးပေါင်းရင်းမြစ်များ

Mataio 12:40

E vēia ona i loto ia Iona i te manava o te tafolā i nā ao ma nā pō e tolu, ka vēnā foki oi i ei i te loloto o te kelekele te Ataliki o te Tagata i nā ao ma nā pō e tolu.

Mataio 14:13

Kua fakalogo ia Iehu ki te mea kua tupu ki a Ioane, oi fano kehe ai mai kinā, kua fano i he vaka ki he kogāfenua e tū fua. Kua iloa e tagata te mea kua fano ki ei ia Iehu, oi tukua ai e ki lātou nā kakai e nonofo ai kae olo kui gāuta oi mulimuli ki ei.

Mataio 15:33

Oi fehili atu ai nā hoko ki ei, “Ko fea nei i te togāvao tēnei te ka maua ai e ki mātou ni meakai e lava ke fafaga ai te kaifenua tokalahi tēnei?”

Mataio 20:34

Na lagona e Iehu te alofa ki a te ki lāua ma na tago ai ki o lā mata; ma ko te taimi lava tēnā na mafai ai ke kitea e o lā mata, oi mulimuli atu ai ki lāua ki a Iehu.

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Mataio 9:36

I te kikila atuga o Iehu ki te kaifenua, oi na tumu ai tona loto i te alofa ki a te ki lātou, auā e maua ki lātou i te popole ma te atuatuvale, e vē ki lātou ni māmoe e hēai ho lātou leoleomāmoe.

Maleko 9:22

E lahi nā taimi e taumafai ai te agaga kino ke tāmate toku ataliki oi e ia togia ki loto o te afi ma ki loto o te vai. Alofa ko ma fehoahoani mai ki a te ki māua kāfai e kē mafaia!”

Luka 7:13

I te kitea atuga e te Aliki te fafine, oi fakatumulia ai tona loto i te alofa, ma lea vē atu ki ei, “Koe nahe tagi.”

Gāluega 27:33

Kua tāli pa ki te vaveao, oi fakamālohi ai ia Paulo ki a te ki lātou uma ke kakai: “Kua fano nei te hefulufa aho e fakatalitali ai koutou, ma i te taimi kātoa tēnei ko hēki i ei lele he mea a koutou e kai.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.