Mataio 15:31 - Tokelauan New Testament

³¹ Na ofo lele ia tagata i te kiteaga e ki lātou kua tautatala nā gūgū, kua mālolohi nā tino nae hē kātoatoa te mālohi, kua havavali nā pipili, ma kua pupula nā mata o nā tāuaho; oi viviki ake ai ki lātou ki te Atua o Ihalaelu.

Mataio 15:31 ပူးပေါင်းရင်းမြစ်များ

Mataio 15:30

Kua ōmamai ki a te ia te tokalahi o te kaifenua, ma kaumai nā pipili, nā tāuaho, nā tino e hē kātoatoa te mālohi, nā gūgū ma te tokalahi o nā tino tauale, kua fakanonofo tafapili ki a Iehu; oi fakamālōlō ai ki lātou uma e ia.

Mataio 18:8

“Ma kāfai ko tō lima pe ko tō vae te māfua ai ona agahala koe, tipi kehe oi tīaki! E hili atu tō hao ki te ola e hē gata kae lima tahi pe vae tahi, i lo te kātoa ona lima ma nā vae, kae togi ai koe ki loto o te afi e hē mafai ke mate.

Mataio 21:14

Oi ōmamai ai nā tāuaho ma nā pipili ki a te ia i te Mālumalu, ma fakamālōlō ai ki lātou e ia.

Mataio 8:10

I te lagona atuga e Iehu o nā kupu iēnei a te takitakikau, oi na ofo lele ai; oi vāgana atu ai ki nā tino e tau mulimuli mai ki a te ia, “E lea atu au ki a te koutou, e hēki kō iloa lele he tino i Ihalaelu e vēnei hona fakatuatua!

Mataio 9:32

E olo kehe atu nā tāuaho iēnei e toka lua, kae kaumai e ni tino ki a Iehu he tamāloa e gūgū ona e ulufia e he tēmoni.

Mataio 9:33

Ma na uma loa lava te tuli o te tēmoni ki fafo, oi kāmata loa oi tautala te gūgū, ma na ofo lele ai nā tino uma ma vē ake te lātou kupu, “E hēki ki mātou kitea lele he mea vēnei ke tupu i Ihalaelu!”

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Maleko 2:12

Oi tū loa lava te tamāloa ki luga, kua hiki tona moega ma fano kehe vave, ka koi kikila atu ki ei nā tino. Na taufai ofo ki lātou uma lele ma viviki ake ki te Atua ma lea vē, “E hēki ki mātou kiteagia lele he mea vēnei!”

Maleko 7:37

Ko nā tino uma na fakalogo ki te tala tēnei, na ofo lahi lele ma lea vē, “Kai te lelei o te faiga o nā gāluega a ia! E pa lava ki nā tutuli ma nā gūgū kua toe taligalogo ma tautatala!”

Maleko 9:43

Ma kāfai ko tō lima te māfua ai oi uma tō fakatuatua, tipi kehe! E hili atu tō hao ki te ola e hē gata kae lima tahi, i lo te kātoa o nā lima kae togi ai koe ki kēna, te afi e hē mafai ke mate.

Luka 14:13

Kae kāfai e fai hau kaiga, valakaulia nā tino mātitiva, nā pipili, nā tino e hē kātoatoa nā itūtino, ma nā tino tāuaho;

Luka 14:21

“Oi toe foki ai te kaukauna oi taku ki tona matai nā mea uma iēnā. Kua ita lele tona matai, oi lea vē atu ai ki tana kaukauna, ‘Fano vave nei loa ki nā auala lalahi ma nā tamā auala o te kakai, oi kaumai nā tino mātitiva, nā pipili, nā tāuaho ma nā tino e hē kātoatoa nā itūtino.’

Luka 18:43

Ko te taimi lava tēnā na mafai ai ke kitea e ona mata, oi mulimuli ai ki a Iehu, ma fakafetai ki te Atua. I te kitea atuga o te mea tēnei e te kaifenua, oi viviki ake uma ai ki lātou ki te Atua.

Luka 7:16

Na mātataku uma lele ki lātou, ma viviki ake ai ki te Atua. Kua lea vē ki lātou, “Ko he pelofeta tāua tēnei kua kikila ki tātou ki ei! Ko te Atua kua hau ke fakaola ona tagata!”

Ioane 9:24

Kua fakalua ona toe fekau e ki lātou te tamāloa na fānau mai e tāuaho, oi lea vē atu ai ki ei, “Takutino i mua o te Atua ko koe ka tautala i te meamoni! E iloa e ki mātou ko te tino na ia fakamālōlōa koe ko he tino agahala.”