Mataio 15:28 - Tokelauan New Testament

²⁸ Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.

Mataio 15:28 ပူးပေါင်းရင်းမြစ်များ

Mataio 14:31

Na papae atu ai loa lava ia Iehu i te taimi tēnā oi tāofi mai te lima o Petelu ma lea vē atu ki ei, “Kai te taigole ātili lele o tō fakatuatua! He ā te na māhalohalo ai koe?”

Mataio 15:27

Kua tali atu te fafine, “Io e hako te Aliki, kae e pa foki lava ki nā kulī, e kakai ki nā matutuga e malili ki lalo o te laulau a to lātou matai.”

Mataio 8:10

I te lagona atuga e Iehu o nā kupu iēnei a te takitakikau, oi na ofo lele ai; oi vāgana atu ai ki nā tino e tau mulimuli mai ki a te ia, “E lea atu au ki a te koutou, e hēki kō iloa lele he tino i Ihalaelu e vēnei hona fakatuatua!

Mataio 8:13

Oi lea atu ai ia Iehu ki te takitakikau, “Fano loa ki tō fale. Ko te mea e talitonu koe ki ei, ka vēnā lava oi fakataunuku mo koe.” Ko te taimi lava tēnā na mālōlō ai te kaukauna a te takitakikau.

Mataio 9:22

Kua liliu mai ki tua ia Iehu ma ia kitea te fafine, oi lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” Ko te taimi lava tēnā na mālōlō ai te fafine.

Maleko 5:34

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū. Ko koe kua mālōlō i tō tauale.”

Luka 17:5

Kua lea atu te kau apohitolo ki te Aliki, “Fakatupu lahi ko to mātou fakatuatua.”

Luka 7:50

Kae kua lea atu ia Iehu ki te fafine, “Ko tō fakatuatua kua ola ai koe; fano la ma te manuia.”

Luka 7:9

Na ofo lele ia Iehu i te ia lagona atuga o te mea tēnei; oi na liliu ai ki ona tua ma vāgana atu ki te kaifenua e tau mulimuli mai ki a te ia, “E lea atu au ki a te koutou, e hēki kō iloa lele he tino i Ihalaelu e vēnei hona fakatuatua!”

2 Tehalonia 1:3

Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.