Mataio 15:25 - Tokelauan New Testament

²⁵ Oi hau ai te fafine kua tōtuli i mua o Iehu ma lea vē atu ki ei, “Te Aliki, fehoahoani mai ko ki a te au!”

Mataio 15:25 ပူးပေါင်းရင်းမြစ်များ

Mataio 14:33

Oi ifo atu ai ki a Iehu nā hoko o ia nae i luga o te vaka ma lea vē atu ki ei, “E moni lava ko koe ko te Ataliki o te Atua.”

Mataio 15:26

Ka kua tali mai ia Iehu, “E hē ko he mea tatau ke kave te meakai a tamaiti oi togi ma nā kulī.”

Mataio 20:31

Kua mumuna mai ki ei te kaifenua ma lea ki ei ki lāua nahe piha, kae kua ātili ai te tau kālalaga leo lahi vē atu, “Te Aliki, te Ataliki o Tavita, alofa mai ko ki a te ki māua!”

Mataio 8:2

Oi hau ai he lēpela kua tōtuli i mua o ia ma lea vē atu ki a te ia, “Te Aliki, kāfai koe e loto ki ei, e kē mafaia oi fakamamā au.”

Maleko 9:22

E lahi nā taimi e taumafai ai te agaga kino ke tāmate toku ataliki oi e ia togia ki loto o te afi ma ki loto o te vai. Alofa ko ma fehoahoani mai ki a te ki māua kāfai e kē mafaia!”

Maleko 9:24

Ko te taimi lava tēnā na tagi ai te tamana, ma lea vē atu ki a Iehu, “Ko au e fakatuatua, kae e hē lava. Fehoahoani mai ko ki a te au kae ke fakalahi ātili ai toku fakatuatua!”