Mataio 15:22 - Tokelauan New Testament

²² Oi hau ai te fafine Kanana e nofo i te kogāfenua tēnā, e tagi ma kalaga vē atu ki a Iehu, “Te Aliki! Te Ataliki o Tavita, alofa mai ko ki a te au. Ko taku tama teine e ulufia e he tēmoni oi e i he tūlaga kino lahi lele.”

Mataio 15:22 ပူးပေါင်းရင်းမြစ်များ

Mataio 1:1

Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.

Mataio 15:23

Kae e hē vāia lele ki ei ia Iehu. Oi ōmai ai ona hoko kua tauanau ki a Iehu ma lea vē atu ki ei, “Uga ko te fafine ke fano kehe auā e taumulimuli mai ma taukekē!”

Mataio 17:15

ma lea vē atu, “Te Aliki, alofa mai ko ki toku ataliki auā e maua i te tauale tete ma e tīgāina lahi lele. Kāfai e oho tona tauale, e tete lahi lele tona tino oi e māhani pakū ki loto o te afi pe ki loto o te vai.

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Mataio 9:27

Kua tukua e Iehu ia kinā, ma e havavali atu kae mulimuli atu ki a te ia ni tamāloa tāuaho e toka lua. Kua kālalaga vē atu ki a Iehu, “Te Ataliki o Tavita, alofa mai ko ki a te ki māua!”

Luka 17:13

kae taufōlua vē, “Iehu! Te Faiakoga! Alofa mai ko ki a te ki mātou!”

Luka 18:13

“Kae ko te aolāfoga, nae tū mamao mai, ma e hēki kikila ake foki ona mata ki te lagi, ka nae pōpō tona fatafata, ma lea vē, ‘Te Atua, alofa mai ko ki a te au te tagata agahala!’ ”

Luka 6:18

na ōmamai oi fakalogologo ki a Iehu, ma ke fakamālōlō ki lātou mai o lātou tauale. Na ōmamai ai foki ma nā tino nae āfāina i nā agaga kino, ma na fakamālōlō ai foki ki lātou uma.