Mataio 15:15 - Tokelauan New Testament

¹⁵ Oi lea atu ai ia Petelu, “Fakamālamalama ake te uiga o tau fakakupuga tēnā.”

Mataio 15:15 ပူးပေါင်းရင်းမြစ်များ

Mataio 13:18

“Fakalogo mai la, kae ke iloa e koutou te uiga o te talafakatuha o te lūlūhaito.

Mataio 13:36

Kua tukua e Iehu te kaifenua ka kua fano ki loto o te fale. Oi ōmai ai ona hoko kua lea vē atu ki ei, “Fakamatala mai ake ki a te ki mātou te uiga o te talafakatuha o nā vao kino i te fatoaga.”

Mataio 15:16

Kua tali mai ia Iehu, “Koi tutuha lava te koutou hē mālamalama ma iētahi tino.

Maleko 4:34

Nae hē mafai ia Iehu ke akoako atu ki tagata e aunoa ma te ia fakaaogāgia o nā talafakatuha, kae kāfai ko ia oioti ma ona hoko, oi fātoā fakamālamalama ai e ia nā mea uma lele ki ei.

Maleko 7:17

Kua tukua e Iehu te kaifenua kae ulu atu ki loto o te fale, oi fehili atu ai ona hoko ki ei ke fakamālamalama ake ki a te ki lātou te talafakatuha tēnei.

Ioane 16:29

Oi lea atu ai ki ei ona hoko, “E hako, ko koe kua tautala mai nei i te gagana faigōfie, kae kua hē fakaaogā e koe nā talafakatuha.