Mataio 15:11 - Tokelauan New Testament

¹¹ E hē ko nā mea e fano ki loto o te gutu o he tino te hē mamā ai i nā tu tau tāpuakiga; kae ko te mea e hau ki fafo mai te gutu.”

Mataio 15:11 ပူးပေါင်းရင်းမြစ်များ

Mataio 15:10

Oi kalaga ai ia Iehu ki te kaifenua ke hēleka ake ki a te ia, oi lea vē atu ai ki ei, “Fakalogo mai kae ke mālamalama lelei koutou!

Mataio 15:12

Oi ōmai ai te kau hoko ki a Iehu kua lea vē atu ki ei, “E kē iloa te tīgā o nā loto o te kau Falehaio ki nā mea nae lea ai koe?”

Maleko 7:15

E hēai he mea e fano mai fafo ki loto o he tino, e hē mamā ai i nā tu tau tāpuakiga. Kae ko te mea e hau ki fafo mai he tino te hē mamā ai.”

Loma 14:14

Ko te māfutaga a āku ma te Aliki ko Iehu, kua kō mautinoa ai e hēai he meakai e hē mamā i nā tūlaga tau tāpuakiga; kae kāfai koe e talitonu e i ei ni meakai e hē mamā, ka hē mamā lava la mo koe.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 14:20

Nahe fakahēaogāgia e koutou nā mea na fai e te Atua, ona ko nā meakai. Ko nā meakai uma lele e lelei ke kai, kae e hehē te kai ki he mea kāfai ka kavea tēnā ma mea e pakū ai hētahi tino ki te agahala.

1 Timoteo 4:3

E akoako e ki lātou ko te fakaipoipo ma te kakai ki ni itūkāigā meakai, e hē ni mea e tatau ke fai. Oi ka ko nā meakai uma iēnei na gaohia e te Atua ke kakai ki ei, kāfai kua uma he tatalo fakafetai, nā tino kua talitonu ma iloagia te meamoni.

Tito 1:15

E mamā lava nā mea uma ki a te ki lātou e loto mamā; kae e hēai he mea e mamā ia te ki lātou e kino ma hē talitonu, auā ko o lātou māfaufau ma o lātou lotofuatia kua hē mamā.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.