Mataio 15:10 - Tokelauan New Testament

¹⁰ Oi kalaga ai ia Iehu ki te kaifenua ke hēleka ake ki a te ia, oi lea vē atu ai ki ei, “Fakalogo mai kae ke mālamalama lelei koutou!

Mataio 15:10 ပူးပေါင်းရင်းမြစ်များ

Mataio 13:19

Ko nā tino e ki lātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha ki lātou ki nā fatu haito na pakukū ki luga o te auala. E hau ia Hātani oi hamu kehe nā mea na totō ki o lātou loto.

Mataio 15:11

E hē ko nā mea e fano ki loto o te gutu o he tino te hē mamā ai i nā tu tau tāpuakiga; kae ko te mea e hau ki fafo mai te gutu.”

Mataio 15:9

E hē aogā ke tāpuaki mai ki lātou ki a te au, auā e akoako e ki lātou ia tūlāfono a tagata e vēia ni Tūlāfono e āku!’ ”

Mataio 24:15

“Ka kitea e koutou ‘Te Mea Matakutia te Kino ma te Inohia’ e tū i loto o te Nofoaga Paia, e vē oi tākua e te pelofeta ko Tanielu.” (Ke mālamalama te tino faitau ki te uiga o te mea tēnei!)

Luka 24:45

Oi fakapupula ai e ia o lātou māfaufau ke mālamalama ki lātou i nā Tuhituhiga Paia,

Efeho 1:17

ma ko au e fakatoga ki te Atua o to tātou Aliki ko Iehu Keliho, te Tamana e uiga kehe tona mamalu, ke fōki atu ki a te koutou te Agaga, tē ka maua ai e koutou te mālamalama, ma fakailoa atua ki a te koutou te Atua, kae ke koutou iloa ai ia.

Kolohe 1:9

Mai te aho lava la na ki mātou iloa ai, e hēki uma lele to mātou tatalo mo koutou. Ko ki mātou e tatalo ki te Atua ke fakatumulia koutou i te mālamalama e uiga ki tona finagalo, vēnā ma te poto uma ma te iloa e maua mai i tona Agaga.

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.