Mataio 14:6 - Tokelauan New Testament

⁶ I te fakamanatuga o te aho fānau o Helota, na hiva ai te tamateine a Helotia i mua o te tupu ma te kau valakaulia uma. Na fiafia lahi lele ai ia Helota,

Mataio 14:6 ပူးပေါင်းရင်းမြစ်များ

Mataio 14:3

Auā na fakatonu e Helota ke puke fakapagotā ia Ioane ma noanoa, oi togi ai ki loto o te falepuipui. Na fai e ia te mea tēnei mo Helotia te āvaga a tona uho ko Filipo,

Mataio 14:7

oi na fai ai tana folafolaga ki te teine e vēnei, “Ko au e tautō atu ka kō fōki atua mo koe ho he mea lava e fofou koe ki ei!”

Mataio 22:24

Kua lea atu ki lātou, “Te Faiakoga, e lea mai ia Mohe kāfai he tamāloa e oti kae hēai hana fānau, e tatau tona uho ke fakaipoipo ma te fafine kae ke maua ai he fānau e mafai ke takua e a tona uho kua oti.

Maleko 6:14

Kua lagona e te Tupu ko Helota nā mea iēnei ona kua takutakua lele te igoa o Iehu i ho he nofoaga. Kua lea vē iētahi tino, “Ko Ioane te Papatiho tēnei kua toe ola mai; ko te mea ia e ia mafaia ai oi fai nā vāvega.”

Maleko 6:17

Auā na fakatonu e Helota ke puke fakapagotā ia Ioane ma noanoa i loto o te falepuipui. Na fai e ia te mea tēnei ona ko Helotia te āvaga a tona uho ko Filipo, kua fai ma ana āvaga.

Maleko 6:19

Ko te mea ia nae ita ai pea lava ia Helotia ki a Ioane ma fofou ke tāmate, kae nae hē mafai ke fai hana mea ki ei ona ko Helota.

Maleko 8:15

Kua apoapoaki atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio, ma te mea fakafefete a Helota.”

Luka 13:31

I te taimi lava tēnā na ōmamai ai iētahi Falehaio ki a Iehu, ma lea vē mai ki ei, “Fano kehe ma kinei, auā ko Helota e fofou ko koe ke tāmate.”

Luka 23:11

Ko Helota ma ana fitafita nae fakatauemu ma fai kupu kino ki a Iehu; oi na fakakofu ai e ki lātou ia Iehu i he kofu tatao manaia, kae toe uga ki a Pilato.

Luka 23:7

I te ia iloaga ko Iehu e hau i te itūmālō e pūlea e Helota, oi uga ai e ia ki ei ia Iehu. Ko Helota foki nae i Ieluhalema i te taimi tēnā.

Luka 3:1

I te hefululima o tauhaga talu te nofoakiga a Kaihala Tipelia; ko Ponitiō Pilato te kōvana o Iutea, ka ko Helota te tupu o te itūmālō o Kalilaia, ma ko tona uho ko Filipo, ko te tupu o te itūmālō o Itoulaia ma Talakonaito; ko Luhania te tupu o Apilene,

Luka 3:19

Kae na munaia e Ioane te tupu ko Helota, ona ko Helotia te āvaga a tona uho, ma te lahi o iētahi ana āmio kino nae fai.

Luka 8:3

ko Ioana te āvaga a Kouha, te kaukauna pule i te fale o te tupu ko Helota; ko Huihana, ma iētahi fafine e tokalahi nae fakaaogā a lātou tupe ma iētahi a lātou meatōtino, ke fehoahoani ki te tauhiga o Iehu ma ona hoko.

Gāluega 12:1

E tuha ko te vāitaimi tēnā na kāmata ai nā fakahāuāga a te tupu ko Helota, ki ni tino o te Ekalehia.

Gāluega 4:27

Auā e moni lava ko Helota ma Ponitiō Pilato na potopoto fakatahi i te kakai tēnei ma tagata nukukehe vēnā ma tagata o Ihalaelu, ke teteke ki tau Kaukauna paia ko Iehu na kē fakaukuagia ke kavea ma Mehia.