Kae i te ia kitea atuga ko te matagi e mālohi, oi lagona ai loa e ia te mataku ma kāmata ai oi goto ki lalo o te vai. Oi kalaga ai vē, “Te Aliki, fakaola ko au!”
Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”
Kae kua tali atu ia Iehu, “E lea atu au ki a te koutou, kāfai koutou e talitonu ma hē māhalohalo, e mafai e koutou oi fai te mea na fai e au ki te mati. E hē gata i tēnā, e mafai foki e koutou oi lea atu ki te mauga tēnei, ‘Fakamahiki ma togi ki loto o te tai,’ ma ka vēnā lava ona fai.
Kua tali mai te Aliki, “Kana ia te koutou he fakatuatua e vē ko te lahi o he fatu hīnapi, e mafai koutou ke lea vēnei ki te hūkāmolu, ‘Heki ake ki luga i ō aka ia koe e koe lava, ma fano oi totō i te tai!’ ma e uhitaki atu lava.
Ko te mana o Iehu te na mālohi ai te pipili. Ko te mea kua kikila koutou ki ei ma iloa e koutou, na fai e ala i te fakatuatua ki tona igoa; ko to mā fakatuatua ki a Iehu, te na mafai ai ke fakamālōlō te pipili i mua o koutou uma.
Ko Apelaamo i te taimi tēnā, kua tāli kātoa tona helau tauhaga kae ko tona fakatuatua e hēki fakaitiitia lele kāfai e māfaufau ki tona tino kua hē mafaia he mea, pe ko te tūlaga i te hē fai tama o Hala.