Mataio 14:28 - Tokelauan New Testament

²⁸ Oi lea atu ai ia Petelu, “Te Aliki, kāfai e moni ko koe, lea mai la ke fanatu au i luga o te kilitai ki a te koe.”

Mataio 14:28 ပူးပေါင်းရင်းမြစ်များ

Mataio 14:27

I te taimi lava tēnā, na vāgana mai ai ia Iehu ki a te ki lātou, kua vē mai, “Fakamākeke! Ko au tēnei. Koutou nahe mātataku!”

Mataio 14:29

“Hau la!” kua tali mai ia Iehu. Oi tū ifo ai loa lava ia Petelu ki lalo mai te vaka kua kāmata oi havali ki a Iehu i luga o te kilitai.

Mataio 19:27

Oi tali atu ai ia Petelu, “Kikila, kua tuku e ki mātou a mātou mea uma lele kae mulimuli atu ki a te koe. He ā nei ta ki mātou ka maua?”

Maleko 14:31

Ka kua fakaatili ai te tali mālohi atu o Petelu vēia, “E hē mafai au ke lea vēnā, e tuha lava pe kāfai e oti ai au fakatahi ma koe!” Ma kua lea vēnā foki iētahi o te kau hoko.

Ioane 6:68

Kua tali mai ia Himona Petelu, “Te Aliki, ko ki mātou e olo ki a te ai? E ia te koe nā kupu e maua ai te ola e fakavavau.

Loma 12:3

Ma e ona ko te meaalofa a te Atua ki a te au, e lea vēnei atu ai au ki a te koutou tau tokatahi uma: Ia koutou lele nahe manatu ko koutou e hili atu te lelei i lo i te tūlaga moni e i ei ai koutou. Kae e tatau koutou ke tukutuku ki lalo outou manatu, ma fuafua te tūlaga e i ei koutou ki te lahi o te fakatuatua kua fōki atu e te Atua ki a te koutou.

Iakopo 1:6

Kāfai koutou e tatalo, e tatau koutou ke talitonu ma nahe i ei lele he māhalohalo. Auā ko te tino e māhalohalo, e fakatuha ia ki he galu o te moana e fetolifaki holo e te matagi.