Mataio 14:23 - Tokelauan New Testament

²³ Kua mātuku atu ia tagata, oi fano tautahi ai ia Iehu ki luga o he mauga ke tatalo ai. Kua pa ki te afiafipō kae koi i ei tautahi lava ia Iehu i kinā;

Mataio 14:23 ပူးပေါင်းရင်းမြစ်များ

Mataio 26:36

Oi olo ai ia Iehu ma ona hoko ki he koga e igoa ko Ketehemane, ma na vāgana atu ai ia Iehu ki a te ki lātou, “Nonofo i kinei ke hōhō atu au ki ko oi tatalo ai.”

Mataio 6:6

Kāfai koe e tatalo, fano ki tō potu, tapuni te faitotoka, oi tatalo ai ki tō Tamana. Ko tō Tamana e hē kitea e he tino, kae e kitea e ia au mea e fai munimuni, ma ka ia fōki atua tō taui.

Maleko 1:35

I te taeaopōpō o te aho alafaki ka ko hēki matea he tino, na fano ai ia Iehu ki he mea gāogāo i fafo o te kakai oi tatalo ai.

Maleko 6:46

Kua mātuku atu ia tagata, oi fano ai ia Iehu ki luga o he mauga ke tatalo ai.

Luka 3:21

Kua uma te papatiho o nā tino uma lele, oi papatiho ai foki ia Iehu. Ka koi tatalo ia Iehu, kae matala ifo te lagi,

Luka 5:16

Kae ko Iehu kua fano ki te vao, oi tatalo ai.

Luka 6:12

I nā aho lava iēnā, na fano ai ia Iehu ki luga o he mauga oi tatalo ai; na fano te pō kātoa e tatalo ki te Atua.

Luka 9:18

I tētahi aho nae tatalo tautahi ai ia Iehu, kae ōmamai ki ei ona hoko. Oi fehili atu ai ia Iehu ki ei, “Ko nā tino e lea, ko ai au?”

Luka 9:28

Kua kātoa te valu o aho talu te lea atu o Iehu i nā mea iēnei, oi kave ai e ia ia Petelu, ma Ioane ma Iakopo, kua olo fakatahi ma ia ki luga o he mauga, ke tatalo ai.

Gāluega 6:4

Kae ke tukutahi lava o mātou taimi ki te tatalo ma te tālakiga o te kupu a te Atua.”