Mataio 14:19 - Tokelauan New Testament

¹⁹ Oi fakatonu ai e ia nā tino ke nonofo ki luga o te mutia; oi tago ai ki nā falaoa e lima ma nā ika e lua, kua tepa ake ki te lagi, ma fakafetai ki te Atua. Kua tavaevae e ia nā falaoa ma fōki ki ona hoko ke tufatufa ki tagata.

Mataio 14:19 ပူးပေါင်းရင်းမြစ်များ

Mataio 14:18

“Kaumai la ki kinei ki a te au,” kua lea vē atu ia Iehu.

Maleko 6:39

Oi lea ai ia Iehu ki ona hoko ke fakanonofo fai vāega nā tino uma lele ki luga o te mutia.

Maleko 6:41

Oi tago ai ia Iehu ki nā falaoa e lima ma nā ika e lua, kua tepa ake ki te lagi ma fakafetai ki te Atua. Kua tavaevae e ia nā falaoa ma fōki ki ona hoko ke tufatufa ki nā tino. Na tavaevae foki e ia nā ika e lua mo nā tino uma lele.

Maleko 7:34

Oi kikila ake ai ia Iehu ki te lagi, kua mānava lahi, kae lea vē atu ki te tino, “Efata,” ko tona uiga, “Matala loa!”

Luka 22:17

Oi tago ai ia Iehu ki te ipu, kua fakafetai ki te Atua, ma vāgana vē atu ai, “Kavatu te ipu tēnei oi feinu uma koutou ki ei.

Luka 22:19

Oi tago ai ki te falaoa, kua fakafetai ki te Atua, oi tavaevae ai ma fōki ki te kau apohitolo, ma lea vē atu, “Ko toku tino tēnei, kua fōki atu mo koutou. Fai te mea tēnei e koutou, ke fai ma fakamanatuga ki a te au.”

Luka 24:30

Kua nofo atu ki lalo ia Iehu ke kakai fakatahi ki lātou, oi tago ai ki te falaoa, kua fakafetai ki te Atua, oi tavaevae ai ma fōki ki te toka lua.

Luka 9:14

(E tuha ma te lima afe ia taulelea nae i ei.) Oi vāgana atu ai ia Iehu ki ona hoko, “Fakanonofo fai vāega nā tino ki lalo, taki tau toka limahefulu.”

Luka 9:16

oi puke atu ai ia Iehu ki nā falaoa e lima ma te luagamata ika. Kua kikila ake ki te lagi ma fakafetai ki te Atua, oi tavaevae ai ma fōki ki te kau hoko ke tufatufa ki nā tino.

Ioane 11:41

Oi kave kehe ai e ki lātou te fatu. Kua kikila ake ia Iehu ki te lagi ma vē ake, “Te Tamana, ko au e fakafetai atu ki a te koe, auā kua kē lagona mai au.

Ioane 6:23

Ka ko iētahi vaka mai Tipelia, na tau ake tafapili ki te mea na kakai ai te kaifenua i nā falaoa, ina kua uma te fai o te fakafetai e te Aliki.

Gāluega 27:35

Kua uma atu tana kupu tēnā, oi tago ai ia Paulo ki ni falaoa, kua fakafetai ki te Atua i mua o ki lātou uma, kua tavaevae ma kāmata oi kai.

Loma 14:6

Ko nā tino e fakatāua atu e ki lātou he aho e fokotahi, e fai e ki lātou ke vīkia ai te Aliki; ko nā tino e kakai ki ho he mea, e fai e ki lātou ke vīkia ai te Aliki, auā e kavatu e ki lātou te fakafetai ki te Atua mo nā meakai. Ko nā tino e hē kakai ki he itūkāigā meakai, e fai e ki lātou ke vīkia ai te Aliki, ma e kavatu e ki lātou te fakafetai ki te Atua.

1 Kolinito 10:16

Kāfai ki tātou e inu ki te ipu o te Fakamanatuga tēia e lea ki tātou ki te Atua ke fakamanuia, e hē ko te inu fakatahi nei tēnā o ki tātou ki te toto o Keliho? Kāfai ki tātou e kakai ki te falaoa e tavaevae e ki tātou, e hē ko te kakai fakatahi nei tēnā o ki tātou ki te tino o Keliho?

1 Kolinito 10:31

Ko te mea ia, pe he ā lava ta koe e fai, pe ko koe e kai pe inu, fai uma nā mea iēnei mo he vīkiga o te Atua.

1 Kolinito 11:24

kua fakafetai ki te Atua, oi tavaevae ai ma lea vē atu, “Ko toku tino tēnei, kua hāunia mo koutou. Fai te mea tēnei e koutou, ke fai ma fakamanatuga ki a te au.”

Kolohe 3:17

Ko nā mea uma la e fai e koutou, e tatau ke fai e koutou mo te Aliki ko Iehu, e vē oi fakafetai koutou kui atu ia te ia, ki te Atua te Tamana.