Mataio 14:14 - Tokelauan New Testament

¹⁴ Kua fanake ia Iehu ki gāuta mai te vaka, oi ia kitea atu ai te tokalahi o te kaifenua. Na tumu tona loto i te alofa ki a te ki lātou, ma fakamālōlō ai e ia nā tino o ki lātou nae maua i nā tauale.

Mataio 14:14 ပူးပေါင်းရင်းမြစ်များ

Mataio 14:15

Kua fakaafiafi, oi ōmai ai ona hoko ki a te ia ma lea vē mai ki ei, “Ko kinei ko he kogāfenua e tū fua, ma kua pō foki te aho. Keina uga ko nā tino ke olo ki nā nuku e tafapili mai, ke fakatau mai ni a lātou mea ke kai.”

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Mataio 9:36

I te kikila atuga o Iehu ki te kaifenua, oi na tumu ai tona loto i te alofa ki a te ki lātou, auā e maua ki lātou i te popole ma te atuatuvale, e vē ki lātou ni māmoe e hēai ho lātou leoleomāmoe.

Maleko 6:34

Koi fanake ia Iehu ki gāuta mai te vaka, kae ia kitea atu te tokalahi o te kaifenua, oi na tumu ai tona loto i te alofa ki a te ki lātou, auā e vē ki lātou ni māmoe e hēai ho lātou leoleomāmoe. Na kāmata loa oi akoako atu e ia nā mea e lahi.

Maleko 9:22

E lahi nā taimi e taumafai ai te agaga kino ke tāmate toku ataliki oi e ia togia ki loto o te afi ma ki loto o te vai. Alofa ko ma fehoahoani mai ki a te ki māua kāfai e kē mafaia!”

Luka 19:41

Kua tafapili lele ia Iehu ki te kakai, ma i te ia kitea atuga o te kakai, oi tagi ai i tona alofa ki ei,

Luka 7:13

I te kitea atuga e te Aliki te fafine, oi fakatumulia ai tona loto i te alofa, ma lea vē atu ki ei, “Koe nahe tagi.”

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 5:2

Ona e vāivai foki ia i te lahi o itū, oi e hē ia honafaia ai foki nā tino e hē mālamalama ma i ei ni o lātou hehē.