Mataio 13:55 - Tokelauan New Testament

⁵⁵ E hē ko ia tēnei te ataliki o te kāmuta? E hē ko Malia nei tona mātua? E hē ni uho nei e o ia ia Iakopo, Iohefa, Himona ma Iuta?

Mataio 13:55 ပူးပေါင်းရင်းမြစ်များ

Mataio 27:56

Ko iētahi o ki lātou iēnei, ko Malia te Makatala, ko Malia te mātua o Iakopo ma Iohefa, ma te āvaga a Hepetaio.

Maleko 15:40

Nae i ei nā fafine i kinā nae taukikila mamao atu. Nae i ei ai ia Malia te Makatala, ko Malia te mātua o Iakopo tamaiti ma Iohefa, ma Halome.

Maleko 15:47

Ko Malia te Makatala ma Malia te mātua o Iohefa, nae kikila atu ki ei, oi na ki lā kiteagia te mea na teu ai te tino o Iehu.

Maleko 6:3

E hē ko ia tēnei te kāmuta, te tama a Malia, te uho o Iakopo, Iohefa, Iuta ma Himona? E hē ko nā tuafafine uma o ia e i kinei ma ki tātou?” Ko te mea ia na teteke ai e ki lātou ia Iehu.

Luka 1:27

ma he fekau ki he taupou kua uma te tutuhi ke fakaipoipo ki he taulealea e igoa ki a Iohefa, e tupuga mai i te gafa o te Tupu ko Tavita. Ko tona igoa ko Malia.

Luka 24:10

Ko nā fafine, ko Malia te Makatala, ko Ioana ma Malia te mātua o Iakopo; ko ki lātou iēnei fakatahi ma iētahi fafine, te na ki lātou fakailoagia nā mea iēnei ki te kau apohitolo.

Luka 3:23

E tuha kua toluhefulu ia tauhaga o Iehu, kae kāmata tana gāluega. Ko he ataliki, i te manatu o nā tino, e o Iohefa te ataliki o Eli,

Luka 4:22

Na fiafia lahi ki lātou uma, ma ofo lele ki te lelei o ana fakakupuga nae tautala ai. Kua vē ake te lātou kupu, “E hē ko ia tēnei te ataliki o Iohefa?”

Luka 8:20

Oi lea atu ai he tino ki a Iehu, “Ko tō mātua ma ō uho e tutū mai i fafo, e fia kikila ki a te koe.”

Ioane 19:25

Nae tutū tafapili ki te hātaulo o Iehu tona mātua, te uho o tona mātua, ma Malia te āvaga a Kolopa, vēnā ma Malia te Makatala.

Ioane 6:42

Kua lea vē ki lātou, “E hē ko Iehu tēnei te ataliki o Iohefa, ko ona mātua e ki tātou iloa uma? Kae e vēhea la ona lea ko ia na fanaifo mai te lagi?”

Ioane 9:29

E iloa e ki mātou ko te Atua na vāgana ki a Mohe; ka ko te tino tēnā e lea mai ai koe, e hē ki mātou iloa foki pe hau mai fea!”

Kalatia 1:19

Kae e hēki fetaui au ma hētahi apohitolo vaganā ai ia Iakopo, te taina o te Aliki.

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho: