Mataio 13:47 - Tokelauan New Testament

⁴⁷ “Ko te Mālō o te lagi e fakatuha foki vēnei. E i ei nā tino faifaiva na tatao to lātou kupega i te tai ke maua ai ho he itūkāigā ika.

Mataio 13:47 ပူးပေါင်းရင်းမြစ်များ

Mataio 13:44

“Ko te Mālō o te lagi e fakatuha vēnei. Na maua e he tamāloa he koloa tāua e tanu i he fenua. Kua tumu tona loto i te fiafia oi toe tanu ai e ia ke galo kae fano kua fakatau nā mea uma a ia, oi totogi ai te fenua tēnā mo ia.

Mataio 13:46

i te mauaga e ia o he pēnina e hili atu tona tāua, oi fano ai kua fakatau nā mea uma a ia, oi totogi ai te pēnina tēnā ma ia.

Mataio 13:48

Kua tumu te kupega, oi toho ai e ki lātou ki gāuta ma nonofo ai ki lalo oi fili nā ika: ko nā ika lelei e togi ki loto o nā polapola ka ko nā ika kino e tīaki.

Mataio 4:19

Kua vāgana atu ia Iehu ki a te ki lāua, “Mulimuli mai ki a te au oi fakaako atu ai koulua e au, ke fai ma tino faifaiva ke maua ai ia tagata.”

Maleko 1:17

Oi vāgana atu ai ia Iehu ki a te ki lāua, “Mulimuli mai ki a te au, oi fakaako atu ai koulua e au ke fai ma tino faifaiva, ke maua ai ia tagata.”

Luka 5:10

Na vēnā foki nā hoa o ia nae i tētahi vaka, ia Iakopo ma Ioane nā ataliki o Hepetaio. Oi lea atu ai ia Iehu ki a Himona, “Koe nahe mataku; e kāmata atu nei, ko koe ka fāgota ke maua e koe ni tino, kae hē ni ika.”

Ioane 15:2

Ko nā lālā uma ia te au e hē fua mai ai ni fua, e tipi kehe e ia, kae ko nā lālā e fua mai ai ni fua, e teuteu fakamamā e ia, ke ātili fua mai ai ni fua e lahi.

Ioane 15:6

Ko nā tino e hē tūmau to lātou tahi ia te au, e togi kehe e vē ko he lālā ma mamago ai; ko nā lālā vēnei e fakaputu ma togi ki loto o te afi ma mu ai.

Gāluega 20:30

E hau te taimi e fai ai e ni tino o koutou ni fakamatalaga pepelo ke takitaki kehe ai nā tino Kelihiano ma mulimuli ake ai ki a te ki lātou.

1 Kolinito 11:19

(E hē taumate e i ei ni fekehekeheakiga ia te koutou, kae ke iloa ai pe ko ai o koutou e hako.)

2 Kolinito 11:26

I te lahi o aku malaga, nae lamatia toku ola i nā lolovai, nā tino fāomea, mai oku tagata tōtino ma tagata nukukehe; nae lamatia i nā kakai lalahi, i te vaomatua, i te moana, vēnā foki mai nā uō pepelo.

Kalatia 2:4

e vē ona fofou ki ei ni tino. Ko nā tino iēnei na lea ko ki lātou kua talitonu e vē ko ki mātou, kae ni hipai na ōmamai kae ke ki lātou iloa ai e uiga ki te haolotoga kua ki mātou maua, e ala ia Keliho Iehu. Nae fofou ke fai ki mātou ke vē ni pologa,

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.