Mataio 13:39 - Tokelauan New Testament

³⁹ ko te fili na ia totōa nā vao kino, ko te Tiāpolo tēnā. Ko te helehelega ko te ikuga tēnā o te ōlaga nei, ka ko ki lātou e helehelea, ko te kau agelu.

Mataio 13:39 ပူးပေါင်းရင်းမြစ်များ

Mataio 12:32

Ho he tino e fai hana kupu e teteke ai ki te Ataliki o te Tagata e mafai ke fakamāgalo; kae ko ai lava e fai hana kupu e teteke ai ki te Agaga Paia, ka hē fakamāgaloa lele ia e te Atua — i te ōlaga nei pe ko te ōlaga ka hau.

Mataio 13:22

Ko nā fatu haito na pakukū ki te mea e ola ai nā vao mātuituia, e fakatuha ki nā tino e ki lātou lagona te fekau a te Atua; kae ko popōlega o te ōlaga ma te mānumanu ki koloa o te lalolagi, kua taomia ai te fekau ma hē fua mai ai ni fua.

Mataio 13:25

Kua pa ki tētahi pō ka koi momoe ia tagata, kae hau te tino e fai te tamāloa ma ona fili, oi lūlū nā fatu vaokino ki te mea e i ei nā haito, oi toe fano kehe ai.

Mataio 13:28

Kua tali mai te tamāloa, ‘Ko he tino nei e fili mai ki a te au te na ia faia te mea tēnei.’ Oi lea atu nā kaukauna, ‘E fofou la koe ke olo ki mātou oi laga ki luga nā vao kino?’

Mataio 13:40

E vēia ona fakaputu nā vao kino ma huhunu i te afi, e vēnā foki te mea ka pa ki ei kāfai e uma te ōlaga nei:

Mataio 13:49

E vēnā foki lava te mea ka pa ki ei kāfai e uma te ōlaga nei: ka oatu nā agelu oi fili nā tino agahala mai nā tino āmiotonu

Mataio 24:3

E nofo ia Iehu i luga o te Mauga o Ōlive, kae ōmai ki a te ia nā hoko o ia nā ko ki lātou, ma fehili vē atu ki a te ia, “Taku mai ake ki a te ki mātou pe ko āfea te ka fakataunuku ai te mea tēnei, ma pe he ā foki he fakailoga ke iloa ai e ki mātou te taimi e haele mai ai koe, ma te taimi e uma ai te ōlaga tēnei?”

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

1 Kolinito 10:11

Ko nā mea uma iēnei na tutupu ki a te ki lātou ke fai ma fakatakitakiga ki iētahi tino, ma na tūhia ki lalo kae ke fai ma mea ke fakaeteete ai ki tātou. Auā kua pili mai i te taimi nei e ola ai ki tātou, te ikuga o mea uma.

2 Kolinito 11:3

Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

Epelu 1:2

Kae i nā toe aho iēnei, kua tautala mai te Atua ki a te ki tātou e ala i tona Ataliki. Na gaohia e te Atua te lagi ma te lalolagi e ala i tona Ataliki, tē kua ia tōfiagia ke fai ma ona tofi nā mea uma iēnei.

Epelu 9:26

auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 13:14

Ma na ia fakahehēa ia tagata uma e nonofo i te lalolagi i nā fakailoga na fakataga ke fai e ia i mua o te manu fekai muamua. Na fakatonu ki lātou e te manu fekai ke fau he fakatuha o te manu fekai tēia na manuka i te pelu, kae na ola lava.

Fakaaliga 19:20

Kua puke fakapagotā te manu fekai fakatahi ma te kau pelofeta pepelo nae ki lātou faia ni vāvega mo te manu fekai. (Ko nā vāvega iēnei te na ia fakahehēa ai ki lātou kua i ei te fakailoga a te manu fekai, ma ki lātou nae ifo ki nā fakatuha o te manu fekai.) Ko te manu fekai ma te kau pelofeta pepelo kua togi ola ki loto o te vaitūloto o te afi mumū ma te teiō.