Mataio 13:3 - Tokelauan New Testament

³ Na fakaaogā e ia nā talafakatuha ke fakailoa ai ki tagata te lahi o nā mea; kua lea vē atu, “Nae i ei he tino na fano oi lūlū ni fatu haito i tona fatoaga.

Mataio 13:3 ပူးပေါင်းရင်းမြစ်များ

Mataio 13:4

I te lūlūga e ia o nā fatu haito, na pakukū ai iētahi fatu haito ki luga o te auala, oi ōmai ai nā manulele oi kai uma lele.

Mataio 13:53

Kua uma te fai e Iehu o nā talafakatuha iēnei, oi fano kehe ai mai kinā,

Mataio 22:1

Kua toe fakaaogā foki e Iehu nā talafakatuha e akoako atu ai ki tagata.

Mataio 24:32

“Ke kavea te mati ke maua ai he akoakoga mo koutou. E kāmata loa oi lanu meamata ma vavai nā lālā, ma kāmata oi tutupu ake ona lau, e iloa e koutou ko te tau māfanafana kua tāli pa mai.

Maleko 12:1

Oi kāmata ai kua akoako atu e Iehu ia tagata i nā talafakatuha: “E i ei he tino na fano oi totō he tōvine e o ia. Kua ati fakatāmilo e ia he pa, ma keli he fātānoa ke tatau ai te vine, ma fau he fale ke leoleo ai te tōvine. Oi tuku ai e ia te tōvine ke lihi e ni nofolihi, kae fano i hana malaga ki hētahi atunuku.

Maleko 12:12

Na taumafai nā takitaki o Iutaia ke puke ia Iehu auā kua ki lātou hāfia, ko te talafakatuha tēnei na fai fakatatau ki a te ki lātou. Kae nae mātataku i te kaifenua, oi na tuku ai e ki lātou ia Iehu ka kua olo kehe.

Maleko 3:23

Oi kalaga atu ai ia Iehu ki nā faiakoga o te Tūlāfono ke ōake ki a te ia, oi tautala ai ki ei i nā talafakatuha: “E tuli vēhea ake ki fafo ia Hātani e Hātani?

Maleko 4:13

Oi fehili atu ai ia Iehu ki a te ki lātou, “Ko koutou nei e hē mālamalama i te talafakatuha tēnei? Ka vēhea nei la ona mafai ke mālamalama koutou i nā talafakatuha uma?

Maleko 4:33

Na fakaaogā te lahi o nā talafakatuha vēnei e Iehu, i te tālaki atuga o tana fekau ki tagata; ko te lahi o nā mea nae lea ai ia Iehu nae fua lava ki te mea na mafai ke mālamalama ai ki lātou.

Luka 12:41

Kua lea atu ia Petelu, “Te Aliki, ko te talafakatuha tēnei e fakatatau ki a te ki mātou, pe ki tagata uma?”

Luka 8:10

oi tali vē atu ai, “Kua uma te fakailoa atu ki a te koutou nā mealilo e uiga ki te Mālō o te Atua; kae ko iētahi tino, e fakailoa ki ei e ala i nā talafakatuha, kae ke kikila o lātou mata kae hē ki lātou kitea, ma fakalogo o lātou taliga, kae hē mālamalama.

Ioane 16:25

“Nae fakaaogā e au nā talafakatuha ke fakailoa atu ai ki a te koutou nā mea iēnei. Kae e hau te taimi ka hē toe kō fakaaogā ai nā talafakatuha, kae ka fakaaogā te gagana faigōfie ke tautala atu ai au ki a te koutou, e uiga ki te Tamana.