Mataio 13:20 - Tokelauan New Testament

²⁰ Ko nā fatu haito na pakukū ki luga o te kelekele fatufatua, e fakatuha ki nā tino e ki lātou talia ma te fiafia te fekau i te taimi lava e lagona ai e ki lātou.

Mataio 13:20 ပူးပေါင်းရင်းမြစ်များ

Mataio 13:19

Ko nā tino e ki lātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha ki lātou ki nā fatu haito na pakukū ki luga o te auala. E hau ia Hātani oi hamu kehe nā mea na totō ki o lātou loto.

Mataio 13:21

Kae e hē loloto to lātou talitonu, ma e hē tūmau mataloa ai foki; ko te taimi lava e pa mai ai nā puapuagā ma nā fakahāuāga ona ko te fekau, e vave lele oi uma to lātou talitonu.

Mataio 7:8

Auā ko nā tino uma e gogō atu, ka fōki mai ki ei, ko nā tino e hakili atu, ka maua e ki lātou, ko nā tino e tukituki atu, ka tatala mai ki ei te faitotoka.

Maleko 6:20

Ko Helota nae mataku ia Ioane, ona na ia iloagia ko he tino āmiotonu ma mālohi tona fakatuatua ki te Atua, ko te mea ia nae ia kikila lelei ai ke nahe i ei he mea e tupu ki ei. Nae fiafia lele oi fakalogologo ki a Ioane e ui lava e ia lagona te popole o tona loto i taimi uma e ia lagona ai ia Ioane e tautala.

Ioane 5:35

Ko Ioane nae vē ko he mōlī e mumū ma huhulu atu, ma nae fiafia koutou i he vāitaimi, ki tona mālamalama.

Gāluega 8:13

Ko Himona foki na talitonu; ma i te umaga o te papatihoga o ia, oi mulimuli ai lava ki a Filipo, ma na ofo lele i te ia kiteaga o nā mea ofoofogia ma nā vāvega nae fai.