Mataio 13:12 - Tokelauan New Testament

¹² Auā ko te tino kua i ei hana mea, ka toe fōki ki ei kae ke lava ai ma totoe mo ia; kae ko te tino e hēai hana mea, ka kave kehe mai ia te ia ke pa lava ki he tamā mea kua ia te ia.

Mataio 13:12 ပူးပေါင်းရင်းမြစ်များ

Mataio 21:43

Kua toe vāgana atu ia Iehu, “Ko te mea ia e lea atu ai au ki a te koutou, ko nā fakamanuiaga e maua mai i te pule a te Atua ka kave kehe mai ia te koutou ma fōki ki nā mālō e ki lātou faia te finagalo o te Atua.”

Mataio 25:29

Auā ko ho he tino e i ei hana mea, ka toe fakaopoopo ki ei ma ka lahi lele ai ma totoe mo ia; kae ko te tino e hēai hana mea, e pa lava ki te tamā mea a ia, ka kave kehe mai ia te ia.

Maleko 12:9

Kua fehili atu ia Iehu, “He ā nei ta te tino e o ia te tōvine ka fai? Ka hau nei oi tāmate nā nofolihi iēnā, ma tuku atu te tōvine ki ni iētahi tino.

Luka 10:42

kae e fokotahi oioti lava te mea e manakomia. Kua filifilia e Malia te mea e lelei, ma ka hē toe kave kehea lele mai ia te ia.”

Luka 12:48

Kae ko te kaukauna e hēki ia iloa te mea e fofou ki ei tona matai, kae kua ia faia he mea e tatau ke kini ai, ka hē kini lahia. Ko nā tino e fōki ki ei ni mea e lahi, e lahi foki nā mea e tatau ke maua mai ia te ki lātou. Ma e lahi atu foki la nā mea e tatau ke maua mai i nā tino e lahi atu nā mea e fōki ki ei.

Luka 16:2

Oi fekau ai e ia tana kaukauna pule ma lea vē atu ki ei, ‘He ā tēnei kua kō lagona atu e uiga ki a te koe? Hāuni mai la he tala kātoa o aku mea uma nae kē kikilagia, auā ko koe ka hē toe kaveagia ma kaukauna pule.’

Luka 16:25

“Kae kua lea vē atu ia Apelaamo, ‘Toku ataliki, e manatua e koe, i tō ōlaga kātoa, na maua e koe nā mea lelei uma lele, kae maua e Lahalo nā mea e kino. Kae nei, kua fiafia ia Lahalo i kinei, kae maua koe i nā tīgā.

Luka 8:18

“Kikila fakalelei la pe lagona vēhea e koutou te kupu; auā ko nā tino kua i ei ni mea ka toe fōki ki ei iētahi mea, kae ko nā tino e hēai ni mea ka kave kehe mai ia te ki lātou ke pa lava ki he tamāmea e manatu ki lātou e ia te ki lātou.”

Luka 9:26

Auā ko ai lava e mā ona ko au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i tona mamalu ma i te mamalu o tona Tamana ma o te kau agelu paia.

Iakopo 4:6

Kae ko te alofa tūnoa o te Atua e hili atu tona mālohi. E vēia oi lea mai te tuhituhiga paia, “Ko te Atua e teteke ki nā tino fakamaualuga kae fakaali tona alofa tūnoa ki nā tino loto maulalo.”

Fakaaliga 2:5

Māfaufau ki te lahi o te agahala kua pakukū koutou ki ei. Liliu kehe loa lava mai autou agahala, ma fai nā mea nae koutou faia muamua. Kāfai koutou e hē liliu kehe mai autou agahala, ko au ka fanatu oi kave kehe te tugāmōlī a koutou mai te mea e tū ai.