Mataio 13:11 - Tokelauan New Testament

¹¹ Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Mataio 13:11 ပူးပေါင်းရင်းမြစ်များ

Mataio 13:10

Oi ōmamai ai te kau hoko ki a Iehu ma fehili vē atu ki a te ia, “He ā te fakaaogā ai e koe nā talafakatuha i au akoakoga e fai ki nā tino?”

Mataio 16:17

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu ki a te koe e toku Tamana i te lagi.

Mataio 19:11

Kua tali mai ia Iehu, “E hē ko tamāloloa uma te ki lātou mafaia oi talia te akoakoga tēnei, kae nā ko ki lātou lava kua uma te tuku atu ki ei e te Atua.

Mataio 20:23

Oi lea atu ai ia Iehu ki ei, “E moni ko koulua ka inu ki taku ipu, kae e hē ia te au te pule e filifili ai pe ko ai te ka nofo i toku itū taumatau ma toku itū tauagavale. Ko nā nofoaga iēnei e mo ki lātou kua filifilia e toku Tamana ke nonofo ai.”

Maleko 10:40

Kae e hē ia te au te pule e filifili ai pe ko ai te ka nofo i toku itū taumatau ma toku itū tauagavale. Ko te Atua lava ia te ka ia fōkia nā nofoaga iēnei mo ki lātou kua ia filifilia ke nonofo ai.”

Maleko 4:11

Kua tali atu ia Iehu ki a te ki lātou, “Kua uma te fakailoa atu ki a te koutou te mealilo e uiga ki te Mālō o te Atua, kae ko iētahi tino, e iloa oioti e ki lātou nā mea uma e ala i nā talafakatuha

Luka 8:10

oi tali vē atu ai, “Kua uma te fakailoa atu ki a te koutou nā mealilo e uiga ki te Mālō o te Atua; kae ko iētahi tino, e fakailoa ki ei e ala i nā talafakatuha, kae ke kikila o lātou mata kae hē ki lātou kitea, ma fakalogo o lātou taliga, kae hē mālamalama.

Ioane 6:65

Oi toe lea vē atu ai, “Ko te mea tonu lava tēnei na ala ai toku lea atu, e hē mafai ni tino ke ōmamai ki a te au, vaganā e uga mai e te Tamana.”

Ioane 7:17

Ko ai lava e fiafia oi fai te mea e fofou ki ei te Atua, ka ia iloa pe ko taku akoakoga e hau mai te Atua, pe hau lava i taku pule.

Gāluega 16:14

Ko tētahi o fafine na ia lagona a mātou tala ko Litia, e hau mai Tuateilo, he tino fakatau koloa i nā kie violē taugatā. Ko he fafine nae tāpuaki ki te Atua, ma na tatala ai e te Aliki tona māfaufau ke mālamalama i te mea nae tautala ai ia Paulo.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Loma 16:25

Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

1 Kolinito 15:51

Fakalogo ki te mealilo tēnei: ko ki tātou uma e hē feoti, kae kāfai te toe pu e ili, ko ki tātou uma ka hūia i he taimi vave lele, e vave e vē ko te kemo o te mata. Auā kāfai te pu e ili, ko nā tino kua oti ka toe fakatutū, ma hē toe oti lele, ma ka hūia uma ki tātou.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

1 Kolinito 2:7

Ko te poto e folafola e ki mātou ko te poto lilo o te Atua tē e mumuni mai tagata, kae kua uma te ia filifilia ke maua ai e ki tātou ni vīkiga, ka ko hēki faia te lalolagi.

1 Kolinito 4:1

E tatau ke ia te koutou te manatu ko ki mātou ni kaukauna e a Keliho, ni tino kua tōfia ke kikilāgia nā meamoni lilo a te Atua.

1 Kolinito 4:7

Na hei faia nei koutou ke hili atu i lo iētahi tino? E hēki fōkiatua nei e te Atua nā mea uma ki a te koutou? He ā la te fāfifia tauanoa ai koutou, e vē lele ko nā mea ia te koutou, e hē ni meaalofa?

Efeho 1:18

Ko au e talohaga atu ke tatala ko outou māfaufau ke kitea ai e koutou te mālamalama e hau mai ia te ia, kae ke iloa ai e koutou pe ko he ā tonu te fakamoemoe kua kalaga mai ai ki a te koutou, ma te lahi o nā fakamanuiaga gali kua folafola e ia ki ona tagata,

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

Efeho 5:32

Ko te mealilo tēnei kua fakaalia e ala i te tuhituhiga paia, e matuā loloto lava te uiga. I toku mālamalama, e fakatatau ki a Keliho ma te Ekalehia.

Efeho 6:19

Tatalo foki mo oku, ke tuku mai e te Atua ki a te au he fekau kāfai au kua lava hāuni ke tautala, kae ke tautala ai au e aunoa ma he mataku, ke fakailoa ki tagata te mea lilo e uiga ki te Tala Lelei.

Kolohe 2:2

E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

1 Timoteo 3:9

e tatau ki lātou ke pipiki mau ki te meamoni kua fakaalia e uiga ki te talitonuga, ma te lotofuatia e mamā.

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.

1 Ioane 2:20

Kae ko koutou kua uma te fakaukugia e Keliho te Tokatahi Paia fakatahi ma te Agaga, ma e iloa uma e koutou te meamoni.

1 Ioane 2:27

Kae e vē la ki a te koutou, kua liligi atu e Keliho tona Agaga ki luga o koutou. Kāfai lava la e tūmau pea tona Agaga i luga o koutou, e hē manakomia foki e koutou he tino ke akoakoa koutou. Auā e akoako koutou e tona Agaga i nā mea uma, ma ko te mea e akoako e ia e moni, kae e hē pepelo. Uhitaki la ki akoakoga a te Agaga, ma ke tūmau ai pea lava koutou i te māfutaga ma Keliho.