Mataio 12:50 - Tokelauan New Testament

⁵⁰ Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Mataio 12:50 ပူးပေါင်းရင်းမြစ်များ

Mataio 12:49

Oi tuhi ai tona lima ki nā hoko o ia ma lea vē atu, “Kikila, iēnei oku mātua ma oku uho!

Mataio 13:1

Ko te aho lava tēnā na fano kehe ai ia Iehu mai te fale, kua fano ki te matāfaga o te vaitūloto, kua nofo ki lalo ma akoako atu ki tagata.

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 25:45

Ka tali vē atu te Tupu ki ei, ‘E takutino atu e au ki a te koutou: ho he taimi lava e hēki fehoahoani ai koutou ki hētahi o ki lātou nei e pito hili te fakaalofa, e hēki fehoahoani mai koutou ki a te au.’

Mataio 28:10

Kua vāgana atu ia Iehu, “Koulua nahe mātataku. Olo oi lea ki oku uho ke olo ki Kalilaia, ma ka ki lātou kitea au i kinā.”

Maleko 3:35

Ko ai lava e faia te finagalo o te Atua, ko toku uho tēnā, ko toku tuafafine tēnā, ma toku mātua tēnā.”

Luka 8:21

Ka kua vāgana atu ia Iehu ki a te ki lātou uma, “Ko toku mātua ma oku uho, ko ki lātou iēnā e lagona te kupu a te Atua, ma uhitaki ki ei”

Ioane 15:14

Ma ko koutou ni uō e āku, kāfai koutou e uhitaki ki nā mea e kō fakatonua ai koutou.

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Ioane 6:29

Kua tali mai ia Iehu, “Ko te mea e fofou ki ei te Atua, ko koutou ke talitonu ki tē na ia uga maia.”

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

Gāluega 26:20

Muamua i Tamaheko ma Ieluhalema ma vēnā i te fenua kātoa ko Iutea, ma i nā mea e nonofo ai ia tagata nukukehe, na folafola e au ko ki lātou e tatau ke halamō ia lātou agahala ma liliu ki te Atua, ma ke fakatino e ki lātou nā mea e fakailoa ai to lātou halamō moni.

Loma 8:29

Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.

1 Kolinito 9:5

E hē ia te au nei te aiātatau ke fakatakitaki ai ki nā mea nae fai e iētahi apohitolo ma nā uho o te Aliki ma Petelu, i toku fano ma kave haku āvaga Kelihiano i aku faigāmalaga?

2 Kolinito 11:2

E lagona e au te fuā ki a te koutou, e vē ona fuā te Atua; auā ko koutou e vē ko he taupou lelei kātoatoa, ka tuku atu e au ke fakaipoipo ki he tamāloa e fokotahi oioti lava, ko Keliho tēnā.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Kalatia 6:15

E hē tāua pe pelitome te tino pe hēai; oioti lava te mea e tāua, ko te toe kavea o koe ko he tino fou.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

1 Timoteo 5:2

ko fafine mātutua ke vē ni mātua, ma fafine talavou ke vē ni tuafafine, ma tō loto mamā kātoatoa.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

1 Petelu 4:2

E kāmata atu nei la, ko te koutou ola koi totoe i te lalolagi nei, e tatau ke pūlea e nā mea e finagalo ki ei te Atua, kae hē ko nā manakoga fakatetagata.

1 Ioane 2:17

Ko te lalolagi ma nā mea uma e nanau ki ei te tagata, e fano e mou kehe atu; kae ko te tino e ia faia te finagalo o te Atua, e ola pea lava ke pa ki te fakavavau.

Fakaaliga 22:14

Amutia nā tino e ufi mamā o lātou kofutatao kae ke maua e ki lātou te aiātatau ke kakai ai ki te fua o te lākau o te ola, ma ulu atu ki loto o te kakai kui i nā faitotoka.