Mataio 12:45 - Tokelauan New Testament

⁴⁵ Oi fano ai oi kaumai iētahi agaga e fitu e hili atu to lātou kino i lo ia, oi nonofo ai i kinā. E iku ake, kua hili atu te kino lahi o te tūlaga kua pa ia ki ei, i lo te mea nae i ei ai muamua. E vēnei foki lava te mea ka pa ki ei nā tino kino i nā aho nei.”

Mataio 12:45 ပူးပေါင်းရင်းမြစ်များ

Mataio 12:24

I te lagonaga e nā Falehaio te mea tēnei, oi tali vē atu ai, “E tuli e ia nā tēmoni ki fafo auā e fōki ki ei e Pelehepulo, te takitaki o tēmoni, te pule ke ia mafaia ai.”

Mataio 12:44

oi lea vē ai ki a te ia lava, ‘Ko au ka toe foki ki toku fale, te mea na hau ai nei au.’ Oi toe foki ai ma maua atu e ia te fale e gāogāo ma mamā ma kua toe hāuni lelei.

Mataio 23:15

“Kae hāloa la koutou faiakoga o te Tūlāfono ma te kau Falehaio! Ko koutou ni tagata fakagutugutulua. E faimalaga koutou i luga o te moana ki te lahi o atunuku, ke koutou maua he tino e fokotahi ke fakaliliu ki te koutou talitonuga; kae kāfai e maua e koutou, ko autou akoakoga ka fakaluaina ai te faigōfie oi fano te tino tēnā ki kēna, e vē foki lava ko koutou.

Mataio 23:24

Koutou nā takitaki tāuaho! E fakamamā kehe e koutou he lago mai autou vai inu, kae e folo e koutou he kāmela e aunoa ma te koutou iloagia!

Maleko 16:9

I te toe tū maiga o Iehu mai te oti i te taeaopō o te aho Hā, na fakakitea muamua ki a Malia te Makatala, tēia na ia tuli kehea mai ai nā tēmoni e toka fitu. Kua olo nā fafine ki a Petelu ma ona hoa, oi taku ki ei nā mea uma lele na lea ake ai ia Iehu ki a te ki lātou.

Maleko 5:9

Kua fehili atu ia Iehu ki te tamāloa, “Ko ai tō igoa?” Kua tali mai ia, “Ko toku igoa ko ‘Lēkeona’ — e tokalahi ki mātou!”

Luka 11:26

Oi fano ai oi kaumai iētahi agaga e fitu e hili atu to lātou kino i lo ia, oi nonofo ai i kinā. E iku ake, kua hili atu te kino lahi o te tūlaga kua pa ia ki ei, i lo te mea nae i ei ai muamua.”

Efeho 6:12

Auā ko ki tātou e hē tau ma tagata, kae ko ki tātou e fakahaga tau ki nā pūlega kino fakateagaga i te lagi, ki nā tupu, nā taupulega, ma nā mālohiaga i te vāteatea o te tupulaga pōgihā tēnei.

Epelu 10:39

Ko ki tātou e hē ni tino e toe liliu kehe ma fakaumatiagia. Kae ko ki tātou e talitonu ki te Atua, ma e fakaolagia.