Mataio 12:44 - Tokelauan New Testament

⁴⁴ oi lea vē ai ki a te ia lava, ‘Ko au ka toe foki ki toku fale, te mea na hau ai nei au.’ Oi toe foki ai ma maua atu e ia te fale e gāogāo ma mamā ma kua toe hāuni lelei.

Mataio 12:44 ပူးပေါင်းရင်းမြစ်များ

Mataio 12:29

“E hē mafai he tino ke fano ki loto o te fale o he tagata mākeke ke kaihohoa ana mea; heiloga e mua noanoa e ia te tagata mākeke, oi fātoā ia mafaia ai oi kaihohoa nā mea uma i tona fale.

Mataio 12:43

“Kāfai he agaga kino e fano ki fafo o he tino, e kui atu i nā kogāfenua mātūtū, ma taukikila ki he mea ke mapu ki ei. Kāfai e hē ia maua he mea,

Mataio 12:45

Oi fano ai oi kaumai iētahi agaga e fitu e hili atu to lātou kino i lo ia, oi nonofo ai i kinā. E iku ake, kua hili atu te kino lahi o te tūlaga kua pa ia ki ei, i lo te mea nae i ei ai muamua. E vēnei foki lava te mea ka pa ki ei nā tino kino i nā aho nei.”

Luka 11:25

Oi toe foki ai ma maua atu e ia te fale kua mamā ma hāuni lelei.

Ioane 12:6

Ko Iuta na lea vēnā, e hē ona ko hona alofa moni ki nā tino mātitiva, kae ona nae ia kikilagia te taga e teu ai a lātou tupe, ma nae māhani oi ia kaihohoa mai ai ni tupe.

Ioane 13:2

I te taimi tēnā ko Iehu ma ona hoko nae fai te lātou katiga o te afiafi. Kua uma ai foki te galuegia e te Tiāpolo te loto o Iuta te ataliki o Himona Ihikaliota, ke fakalata e ia ia Iehu.

Ioane 13:27

Ko te taimi na tago ai ia Iuta ki te mea falaoa, ko te taimi foki tēnā na ulu ai ia Hātani ki a te ia. Kua lea atu ki ei ia Iehu, “Fai vave loa tau mea e tatau ke fai!”

1 Kolinito 11:19

(E hē taumate e i ei ni fekehekeheakiga ia te koutou, kae ke iloa ai pe ko ai o koutou e hako.)

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

1 Ioane 2:19

Ko nā tino iēnei na oatu mai ia te ki tātou, kae e hē ni tino e o ki tātou; anei ake ni tino e o ki tātou, e vēnei ake koi nonofo fakatahi ma ki tātou. Kae na olo kehe kae ke manino ai e hēai he tino o ki lātou e hau mai ia te ki tātou.

1 Ioane 4:4

Kae ko koutou taku fānau, e o te Atua koutou, ma kua fakatōkilalo e koutou nā pelofeta pepelo, auā ko te Agaga e ia te koutou e mālohi lele atu ia i lo te agaga e i nā tino o te lalolagi.