Mataio 12:41 - Tokelauan New Testament

⁴¹ I te Aho Fakamahino, ka tutū mai ia tagata o Nineva ma mōlia koutou, auā na liliu kehe ki lātou mai a lātou agahala i te ki lātou lagonaga o te fekau a Iona; ma e lea atu au ki a te koutou, kua i kinei he mea e hili atu te tāua i lo Iona!

Mataio 12:41 ပူးပေါင်းရင်းမြစ်များ

Mataio 12:39

Kae kua tali mai ia Iehu ki a te ki lātou, “Kai te kino ma te hē talitonu ki te Atua o tagata i nā aho nei! Ko koutou e lea mai ke fai he fakailoga ofoofogia? Hēai! Oioti lava te fakailoga e fai mo koutou, ko te fakailoga ofoofogia na fai ki te pelofeta ko Iona.

Mataio 12:42

I te Aho Fakamahino, ka tū mai te Tupu fafine o Heepa ma mōlia koutou ke fakahala, auā ko ia na malaga mamao mai tētahi itū o te lalolagi ke fakalogo ki te poto o te Tupu ko Holomona; ma e takutino atu e au ki a te koutou, kua i kinei he mea e hili atu te tāua i lo Holomona!

Mataio 12:45

Oi fano ai oi kaumai iētahi agaga e fitu e hili atu to lātou kino i lo ia, oi nonofo ai i kinā. E iku ake, kua hili atu te kino lahi o te tūlaga kua pa ia ki ei, i lo te mea nae i ei ai muamua. E vēnei foki lava te mea ka pa ki ei nā tino kino i nā aho nei.”

Mataio 12:6

E lea atu au ki a te koutou, ei kinei te mea e hili atu tona tāua i lo te Mālumalu.

Mataio 16:4

Kai te kino ma te hē talitonu ki te Atua o tagata o nā aho nei. Ko koutou e lea mai ke fai he fakailoga ofoofogia? Hēai! Oioti lava te fakailoga e fai mo koutou ko te fakailoga ofoofogia na fai ki a Iona.” Oi fano kehe ai loa mai kinā.

Mataio 17:17

Kua vāgana atu ia Iehu, “Kai te hē talitonu ma te āmio pikopiko o tagata o tēnei tupulaga! He ā nei te mataloa e tatau ke māfuta ai pea au ma koutou? He ā nei te mataloa ka onohai ai pea au! Kaumai te tamaiti ki a te au!”

Mataio 23:36

E takutino atu e au ki a te koutou: ko te fakahalaga mo nā tāmate tino uma iēnei, ka pakū lava ki luga o nā tino o nā aho nei!

Luka 11:32

I te Aho Fakamahino, ka tutū mai ia tagata o Nineva oi mōlia te tupulaga tēnei ke fakahala, auā ko ki lātou na liliu kehe mai ia lātou agahala i te ki lātou lagonaga o te tālakiga a Iona; kae lea atu au ki a te koutou, ei kinei te mea, e hili atu ia i lo Iona!

Ioane 3:31

Ko tē e fanaifo mai lagi, e hili atu tona tāua i lo tagata uma. Ko tē e hau mai te lalolagi, e o te lalolagi ia, ma e tautala i nā mea o te lalolagi. Ka ko tē e fanaifo mai te lagi, e hilihili lava ia i tagata uma.

Ioane 4:12

Ko te vaikeli tēnei na tuku mai ki a te ki mātou e to mātou tupuna ko Iakopo. Nae inu ai foki ia Iakopo ma tana fānau, vēnā ma ana lafu manu. Ko tona uiga ko koe e lea mai, e hili atu koe ia Iakopo?”

Loma 2:27

Ma ko koutou tagata Iutaia, ka taku halagia koutou e tagata nukukehe ona e holi e koutou te Tūlāfono, e ui lava na tuhituhia e koutou ma ko koutou kua uma te pelitome; kae ko ki lātou e uhitaki ki te Tūlāfono, e ui lava e hēki pelitomeagia.

Epelu 11:7

Ko te fakatuatua o Noa te na mafai ai ke lagona e ia te fakatonuga a te Atua e uiga ki nā mea e hē ia kitea kae ka tutupu i he taimi i mua. Na uhitaki ki te Atua, oi fau ai e ia he vaka ma na fakaola ai ia ma tona kāiga. Ona ko te mea tēnei, na fakahalagia ai te lalolagi kae ona ko Noa na uhitaki ki te Atua, na talia ai ia e te Atua ko he tino e faia te mea e tonu.