Mataio 12:34 - Tokelauan New Testament

³⁴ Ko koutou e vē ko fānau a gata — e tautatala vēhea koutou ki ni mea lelei ka ko koutou e kino? Auā e tautala te gutu i nā mea e tumu ai te loto.

Mataio 12:34 ပူးပေါင်းရင်းမြစ်များ

Mataio 12:35

Ko te tino lelei, e fakaputu i tona loto nā mea lelei e vē ni koloa tāua, ma e tautala i nā kupu lelei mai te lahi o te lelei i tona loto; ko te tino kino e fakaputu i tona loto nā mea kino e vē ni koloa kino, ma e tautala i nā kupu kino mai te lahi o te kino i tona loto.

Mataio 15:18

Kae ko nā mea e hau ki fafo mai te gutu e hau mai te loto, ma ko nā mea iēnā e hē mamā ai he tino.

Mataio 23:33

Koutou nā gata ma fānau a gata! E vēhea nei ona fakahao koutou mai te afi o kēna.

Mataio 3:7

Kae i te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho ki lātou e ia, oi lea vē atu ai ki ei, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tali pa mai?

Luka 3:7

Oi lea atu ai ia Ioane ki te kaifenua e tokalahi na ōmamai ke papatiho ki lātou e ia, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tāli pa mai?

Luka 6:45

Ko te tino lelei, e fakaputu i tona loto nā mea lelei e vē ni koloa tāua, ma e tautala i nā kupu lelei mai te lahi o te lelei i tona loto; ko te tino kino e fakaputu i tona loto nā mea kino e vē ni koloa kino, e tautala i nā kupu kino mai te lahi o te kino i tona loto. Auā e tautala lava te gutu i nā mea e tumu ai te loto.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Efeho 4:29

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Efeho 5:4

E hē tatau foki ke fakaaogā e koutou ni kupu kino, pe ni tala valea, pe ni kupu palapalā. Kae e tatau koutou ke fakafetai ki te Atua.

Iakopo 3:2

Ko ki tātou uma e tofu ma te hehē. Kae kāfai he tino e hēai lele hona hehē i nā kupu e tautala ai, ko te tino tēnā e kātoatoa te lelei ma e ia mafaia foki oi pūlea tona tino kātoa.

1 Ioane 3:10

Ko tēnei la te mea e kehekehe ai nā fānau a te Atua ma nā fānau a te Tiāpolo: ko nā tino uma e hē ki lātou faia te mea e hako pe hē alolofa ki iētahi tino, e hē ni fānau e a te Atua ki lātou.