Mataio 12:31 - Tokelauan New Testament

³¹ Ko te mea ia e lea atu ai au ki a te koutou; ho he agahala pe he kupu fāifāi ki te Atua e mafai ke fakamāgalo, kae ko ai lava e fāifāi ki te Agaga Paia, ka hē fakamāgaloa lele ia e te Atua.

Mataio 12:31 ပူးပေါင်းရင်းမြစ်များ

Luka 12:10

“Ko ai lava e faia he kupu e teteke ai ki te Ataliki o te Tagata e mafai ke fakamāgalo; kae ko nā tino e faia ni kupu fāifāi ki te Agaga Paia, ka hē fakamāgaloa lele.

Gāluega 7:51

“Kai koutou te loto makaka!” Kua toe lea atu ia Hetefano, “Ko outou loto kua vē ko nā loto o tagata fakapaupau! Ko koutou te fakataliga tutuli ki te fekau a te Atua! E vē lava koutou ko nā tupuna o koutou: ko koutou foki kua teteke pea lava ki te Agaga Paia.

Epelu 10:26

Auā kāfai e fai pea lava e ki tātou te agahala ma te mautinoa ka kua uma ai te fakailoa mai o te meamoni ki a te ki tātou, kua hē toe i ei la hētahi tāulaga ke kave kehea ai nā agahala.

Epelu 10:29

He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!

Epelu 6:4

Auā e vēhea ona mafai ke toe kaumai nā tino kua hē fakatuatua ki te Atua, ke toe halamō? Nae mālamalama ki lātou ki te moni o te fekau mai te Atua; na maua e ki lātou te meaalofa mai te lagi, ma talia fakatahi e ki lātou ma iētahi tino, te Agaga Paia;

1 Ioane 1:9

Kae kāfai e takutaku atu a mātou agahala i mua o te Atua, ka fakamāoni pea ia ma ia faia te mea e hako: ka fakamāgalo e ia a mātou agahala ma fakamamā ki mātou mai o mātou hehē uma.

1 Ioane 5:16

Kāfai e kē kitea hō uho e ia faia he agahala e hē iku ai ia ki te oti, e tatau koe ke tatalo ki te Atua oi fōki ai e te Atua te ola ki tō uho. Ko te mea tēnei e fakaaga ki nā tino ko a lātou agahala e hē iku ai ki lātou ki te oti. Kae e i ei te agahala e iku ai te tino ki te oti, ma ko au e hē lea atu ko koutou ke tatalo ki te Atua e uiga ki te mea tēnā.