Mataio 12:30 - Tokelauan New Testament

³⁰ “Ko te tino e hē kau mai ki a te au, e teteke ki a te au; ko te tino e hē fehoahoani ki a te au i te takitakiga o tagata ki te Atua, e fakatākapekape e ia.

Mataio 12:30 ပူးပေါင်းရင်းမြစ်များ

Mataio 12:29

“E hē mafai he tino ke fano ki loto o te fale o he tagata mākeke ke kaihohoa ana mea; heiloga e mua noanoa e ia te tagata mākeke, oi fātoā ia mafaia ai oi kaihohoa nā mea uma i tona fale.

Mataio 6:24

“E hēai he tino e mafai ke kaukauna ki ni matai e toka lua; auā ka ita ki tētahi kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.

Maleko 9:40

Auā ko te tino e hē teteke mai ki a te ki tātou, e kau ma ki tātou.

Luka 11:23

“Ko te tino e hē kau ma au, e teteke ki a te au; ko te tino e hē fakaputu ma au, e fakatakape e ia.

Luka 9:50

Oi lea atu ai ia Iehu ki a Ioane ma iētahi ona hoko, “Nahe koutou vavaoa te tino tēnā, auā ko ai lava e hē teteke atu ki a te koutou, e kau ma koutou.”

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

1 Ioane 2:19

Ko nā tino iēnei na oatu mai ia te ki tātou, kae e hē ni tino e o ki tātou; anei ake ni tino e o ki tātou, e vēnei ake koi nonofo fakatahi ma ki tātou. Kae na olo kehe kae ke manino ai e hēai he tino o ki lātou e hau mai ia te ki tātou.