Mataio 12:3 - Tokelauan New Testament

³ Kua vāgana atu ia Iehu ki a te ki lātou, “E hēki faitau nei koutou ki te mea a Tavita na fai, i te mauaga i te fia kaia, ko ia ma ki lātou nae fakatahi ma ia:

Mataio 12:3 ပူးပေါင်းရင်းမြစ်များ

Mataio 12:2

Kae i te kitea atuga o te mea tēnei e nā Falehaio, oi lea vē atu ai ki a Iehu, “Kikila, e fai e nā hoko o koe te mea e fakahā i te Tūlāfono, ke fai i te Hāpati!”

Mataio 12:4

i te fanoga ki loto o te fale o te Atua, ma kai nā falaoa kua uma te fakapaia mo te Atua? E hē fakataga ia i te Tūlāfono ke kai ki ei vēnā foki ma iētahi nae fakatahi ma ia, kae nā ko nā ohitāulaga oioti te mafai ke kakai ki ei.

Mataio 12:5

Pe hēki faitau koutou ki te Tūlāfono a Mohe e lea mai, i Hāpati uma lava, ko te tūlāfono o te Hāpati e holi e nā ohitāulaga i loto o te Mālumalu kae e hē hala lele ai ki lātou?

Mataio 19:4

Kua tali atu ia Iehu, “Ko koutou nei e hēki faitau ki te tuhituhiga paia e lea mai, na fai e te Atua i te kāmataga nā tino, he tamāloa ma he fafine.

Mataio 21:16

Oi lea vē atu ai ki lātou ki a Iehu, “E kē lagona atu nā mea e lea ai nā tino?” Kua tali mai ia Iehu, “E kō lagona. Kae e hēki faitau lele nei koutou ki te tuhituhiga paia e vē mai? ‘Kua kē faia nā vīkiga e kātoatoa te lelei, e ala i nā gutu o tamaiti ma pepe.’ ”

Mataio 22:31

Kae vē la ki nā tino oti e toe fakatutū; e hēki faitau lele nei koutou ki te mea na lea atu ai te Atua ki a te koutou? Na lea te Atua,

Maleko 12:10

E hēki faitau nei koutou ki te tuhituhiga paia e lea mai: ‘Ko te fatu na tīaki e nā faufale e hē aogā, kua kavea ma fatu e pito hili atu ona tāua.

Maleko 12:26

Kae vē la ki nā tino oti e toe fakatutū: e hēki faitau lele nei koutou ki te Tuhi a Mohe e takua ai te lākau tālatala na mumū? E tūhia i kinā ko te Atua na vāgana vēnei ki a Mohe, ‘Ko au ko te Atua o Apelaamo, te Atua o Ihaako, ma te Atua o Iakopo.’

Luka 10:26

Kua tali mai ia Iehu, “E vēhea mai la nā Tuhituhiga Paia? E vēhea tau faitau ki ei?”

Luka 6:3

Oi tali atu ai ia Iehu, “E hēki faitau nei koutou ki te mea a Tavita na fai i te mauaga i te fia kaia, ko ia ma ki lātou nae fakatahi ma ia: