Mataio 12:24 - Tokelauan New Testament

²⁴ I te lagonaga e nā Falehaio te mea tēnei, oi tali vē atu ai, “E tuli e ia nā tēmoni ki fafo auā e fōki ki ei e Pelehepulo, te takitaki o tēmoni, te pule ke ia mafaia ai.”

Mataio 12:24 ပူးပေါင်းရင်းမြစ်များ

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 9:32

E olo kehe atu nā tāuaho iēnei e toka lua, kae kaumai e ni tino ki a Iehu he tamāloa e gūgū ona e ulufia e he tēmoni.

Mataio 9:34

Kae kua lea vē te kau Falehaio, “Ko te takitaki o tēmoni te ia fōkia ki a Iehu te pule ke tuli ai ki fafo nā tēmoni.”

Maleko 3:22

Ko iētahi faiakoga o te Tūlāfono na ōifo mai Ieluhalema kua lea vē, “Ko te tagata tēnei e ulufia e Pelehepulo. Ko te takitaki o tēmoni te ia fōkia ki ei te pule ke tuli ai ki fafo nā tēmoni.”

Luka 11:14

Kua tuli ki fafo e Iehu te tēmoni nae hē mafai ke tautala; ma i te fanoga o te tēmoni ki fafo, oi kāmata ai oi tautala te tamāloa. Na ofo lele te kaifenua,

Luka 11:15

kae ko iētahi tino kua lea vē, “Ko Pelehepulo, te takitaki o tēmoni, te ia fōkia ki ei te pule ke tuli ai ki fafo nā tēmoni.”