Mataio 12:12 - Tokelauan New Testament

¹² E hē hili atu lele nei te tāua o te tagata i lo te māmoe! Ko te mea ia, e fakataga i te tātou Tūlāfono ke fehoahoani ki he tino i te Hāpati.”

Mataio 12:12 ပူးပေါင်းရင်းမြစ်များ

Mataio 10:31

Koutou la nahe mātataku; e hili lele atu te tāua o koutou i te Atua i lo nā tamā manulele e lahi.

Mataio 6:26

Kikila koutou ki nā manulele: e hē ki lātou totōa ni fatu haito, fakaputu he helehelega ma tuku ki loto o nā fale haito; kae e tauhi pea lava ki lātou e te koutou Tamana i te lagi. E hē hili lele atu nei te tāua o koutou i lo nā manulele?

Maleko 3:4

Oi fehili atu ai ia Iehu ki a te ki lātou, “He ā te fakataga i te tātou Tūlāfono ke fai i te Hāpati? Ko te fai o he mea ke fakahao ai he ola, pe ke fakauma ai?” Ka kua hēai he tino e vaivaia.

Luka 12:24

Kikila koutou ki nā ōleva: e hē ki lātou totōa ni fatu haito pe helehelea; e hēai ni o lātou fale haito pe ni potu ke teu ai te haito, kae e fafaga ki lātou e te Atua! Kae e hili lele atu te tāua o koutou i lo nā manulele!

Luka 14:1

I tētahi Hāpati na fano ai ia Iehu ki te fale o he takitaki o te kau Falehaio mo he la katiga; ma nae tautuku atu lava ia e nā tino.

Luka 6:9

Oi lea atu ai ia Iehu ki a te ki lātou, “Ko au e fehili atu: He ā te fakataga i te tātou Tūlāfono ke fai i te Hāpati? Ko te fai o he mea ke fakahao ai he ola, pe ke fakauma ai?”