Mataio 11:3 - Tokelauan New Testament

³ Kua lea atu ki lātou ki a Iehu, “Ko koe nei te tino na folafola e Ioane e hau, pe i ei hētahi tino e fakatalitali ki mātou ki ei?”

Mataio 11:3 ပူးပေါင်းရင်းမြစ်များ

Mataio 11:10

Auā ko Ioane te fakatatau ki ei te tuhituhiga paia e vē mai: ‘Kua vāgana te Atua, kikila, ka uga atu e au taku kavefekau ke muamua atu ia te koe, ke hāuni e ia te auala mo koe.’

Mataio 11:4

Kua tali mai ia Iehu, “Olo oi taku ki a Ioane nā mea e koutou lagona e tautatala ai ia tagata ma nā mea e kitea i outou mata:

Mataio 21:5

“Lea ki te kakai o Hiona, Kikila, ko te koutou tupu e hau ki a te koutou! E loto maulalo ma e tiketike i luga o he āhini ma luga o he punua āhini poa, te punua a he āhini.”

Mataio 21:9

Ko te kaifenua nae havavali i mua o Iehu, ma ki lātou nae mulimuli mai i ona tua, kua taufai kālalaga, “Ke vīkia te Ataliki o Tavita! Ke fakamanuia e te Atua ki tē e hau i te igoa o te Aliki. Ke vīkia te Atua!”

Maleko 11:9

Ko nā tino nae i mua, ma ki lātou nae mulimuli mai i tua, kua kāmata oi taufai kālalaga, “Ke vīkia te Atua! Ke fakamanuia e te Atua ki tē e hau i te igoa o te Aliki!

Luka 19:38

“Ke fakamanuia e te Atua te tupu e hau i te igoa o te Aliki! Ke i ei te fīlēmū i te lagi ma ke vīkia te Atua!”

Ioane 11:27

Kua tali mai ia Mafa, “Io, te Aliki. Ko au e talitonu ko koe ko te Mehia, te Ataliki o te Atua, na tuku e hau ki te lalolagi.”

Ioane 12:13

Oi kave ai e ki lātou nā launiu ma oatu kua fakafetaui ki a te ia, ma taufai kālalaga vē, “Ke vīkia te Atua! Ke fakamanuia e te Atua ki tē e hau i te igoa o te Aliki! Ke fakamanuia e te Atua te Tupu o Ihalaelu!”

Ioane 16:14

Ka ia fakailoa toku mamalu, auā ka talia e ia nā mea e lea ai au, ma folafola atu e ia ki a te koutou.

Ioane 4:21

Kua lea atu ia Iehu, “Te māfine, e talitonu mai koe, e hau te taimi e hē toe tāpuaki ai ia tagata ki te Tamana i luga o te mauga tēnei, pe i Ieluhalema.

Ioane 6:14

I te kiteaga e nā tino te fakailoga na fai e Iehu, oi lea vē ai ki lātou, “E hako lava ko te Pelofeta tēnei na tuku e hau ki te lalolagi!”

Ioane 7:31

Kae e tokalahi nā tino i te kaifenua kua talitonu ki a te ia ma lea vē, “Kāfai te Mehia e hau, ei na ka lahi atu nei nā fakailoga e ia faia i lo te tagata tēnei?”

Epelu 10:37

Auā e vē oi tākua i te tuhituhiga paia, “I he taimi kua hē mataloa, ko tē e haele mai ka haele mai; ka hē toe fakatali ia.