Mataio 11:25 - Tokelauan New Testament

²⁵ I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 11:25 ပူးပေါင်းရင်းမြစ်များ

Mataio 16:17

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu ki a te koe e toku Tamana i te lagi.

Mataio 21:16

Oi lea vē atu ai ki lātou ki a Iehu, “E kē lagona atu nā mea e lea ai nā tino?” Kua tali mai ia Iehu, “E kō lagona. Kae e hēki faitau lele nei koutou ki te tuhituhiga paia e vē mai? ‘Kua kē faia nā vīkiga e kātoatoa te lelei, e ala i nā gutu o tamaiti ma pepe.’ ”

Luka 22:42

Kua lea vē, “Te Tamana, kāfai koe e finagalo ki ei, kave kehe ko te ipu tēnei o puapuagā mai ia te au. Kae nahe faia toku loto, ka ko tō finagalo.”

Luka 23:34

Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Ioane 11:41

Oi kave kehe ai e ki lātou te fatu. Kua kikila ake ia Iehu ki te lagi ma vē ake, “Te Tamana, ko au e fakafetai atu ki a te koe, auā kua kē lagona mai au.

Ioane 12:27

“Te popole o toku loto i te taimi nei. Ka vēhea ake nei au? Ka lea nei au, ‘Te Tamana, fakahao ko au mai tēnei itūlā.’? Hēai, ko tēnei tonu lava te mea na hau ai au — ke maua au i nā puapuagā i te itūlā tēnei.

Ioane 12:28

Te Tamana, fakaali ko tō mamalu ke kitea e tagata!” Oi tautala ifo ai he leo mai te lagi kua vē ifo, “Kua uma te kō fakaaliagia o toku mamalu, ma e toe kō fakaalia foki.”

Gāluega 17:24

Ko te Atua, tē na faia te lalolagi ma nā mea uma e i ei, ko te Aliki ia o te lagi ma te lalolagi, ma e hē nofo i ni mālumalu e fau i nā lima o tagata.

1 Kolinito 2:10

Auā kua fakailoa mai e te Atua tana mealilo ki a te ki mātou e ala i tona Agaga. Ko te Agaga e hākilikili ki nā mea uma, ke pa lava ki te lolotoga o fuafuaga a te Atua.

2 Kolinito 3:14

Kae ko o lātou māfaufau nae makaka; ma ke pa mai ki te aho nei, kāfai e faitau ki lātou ki te feagaiga tuai, e vē o lātou māfaufau koi pupuni lava i he kie ufimata, auā e fātoā mafai lava ke kave kehe te kie ufimata, pe kāfai te tino e ia talia ia Keliho.