Mataio 11:23 - Tokelauan New Testament

²³ Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Ko koe ka togi ki lalo ki Heoli. Anei ake nā vāvega nae fai i loto o koe na fai i Hotoma, e vēnei ake koi tūmau lava ia Hotoma ke pa mai ki te aho nei.

Mataio 11:23 ပူးပေါင်းရင်းမြစ်များ

Mataio 10:15

E takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komolo i lo ki nā tino o te kakai tēnā!

Mataio 16:18

Ko au la e lea atu ki a te koe, Petelu; ko koe he papa, i luga o te papa tēnei ka fakatū ai taku Ekalehia, ma e pa lava ki te mālohi o te oti e hē mafai e ia oi fakaumatia.

Mataio 17:24

Kua taunuku atu ia Iehu ma ono hoko ki Kapenaumi, oi ōmai ai nā aolāfoga mo te Mālumalu ki a Petelu ma lea vē ki ei, “E totogi nei he lāfoga mo te Mālumalu a te faiakoga o koe?”

Mataio 4:13

E hēki nofo i Nahaleta kae kua fano oi nofo i Kapenaumi, he tamā kakai i tafa o te Vaitūloto ko Kalilaia, i te kogāfenua o Hepulona ma Nafatali.

Mataio 8:5

Kua fanatu ia Iehu ki Kapenaumi, oi fakafetaui mai ai ki ei he takitakikau Loma ma fakatagi ki ei mo he fehoahoani;

Luka 10:15

Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Hēai, ko koe ka togi ki lalo ki Heoli!”

Luka 14:11

Auā ko nā tino e loto fakamaualuga, ka fakamaulalogia, ka ko nā tino e lotomaulalo, ka fakaeke ki luga ma kavea ma tagata takutakua.”

Luka 16:23

ma i loto o Heoli, te nofoaga kua maua ai ia i te pagātia, kua kikila ake ki luga oi ia kitea mamao atu ai ia Apelaamo, ma Lahalo e i tētahi ona itū.

Luka 4:23

Kua lea atu ia Iehu ki a te ki lātou, “E hē taumate ka koutou fai maia ki a te au te alagākupu tēnei, ‘Te fomai, mua fakamālōlō lava koe e koe!’ Ka lea mai foki koutou, ‘Fai foki i kinei i tō nuku, nā mea na fakalogo ki mātou na fai e koe i Kapenaumi.’ ”

Gāluega 2:27

auā ka hē tuku tiakia au e koe te Atua, i te lalolagi o tagata oti; ka hē tukua e koe te tino o tau kaukauna fakamāoni ke pala i te tugamau.

Gāluega 2:31

Na kitea e Tavita te mea e tuku e fai e te Atua i he taimi i mua, ma na tautala ai e uiga ki te toetū o te Mehia mai te oti, i te leaga vē, ‘E hēki tuku tiakia ia e te Atua i te lalolagi o tagata oti; e hēki pala tona tino i loto o te tugamau.’

Iuta 1:7

E manatua e koutou ia Hotoma ma Komolo ma nā kakai nae pili ki ei? Nae vē foki lava nā mea nae fai e nā agelu iēnei. Nae fai e ki lātou nā uiga mātagā ma tuinanauga ki te tino e hē tuha ai ma te natula; kua pakia ki lātou i te fakahalagia i te afi e hē mate lele, ke fakamanatu ai ki tagata uma, ke nahe ki lātou faia nā uiga iēnei.

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Fakaaliga 11:8

ma ka tatitia o lā tino i luga o te auala o te kakai tāua, te mea na fakahātaulo ai te Aliki. Ko te igoa tau fakaataata o te kakai tēnā ko Hotoma pe ko Aikupito.

Fakaaliga 20:13

Oi tatala ai e te tai nā tino oti nae haihaitia i loto o ia. Kua tatala foki e te Oti ma Heoli nā tino oti nae ki lā haihaitiagia. Ma na fakamahino uma ki lātou e tuha ai ma nā mea a ki lātou nae fai.

Fakaaliga 6:8

Kua kikila atu au, oi kō kitea ai he holofanua lanu meamata tai hegahega. Ko te tino e tiketike ai e fakaigoa ko te Oti, ma e mulimuli atu i ona tua ia Heoli Kua tuku atu ki a te ki lāua te pule ke tāmate ai te tahi vaefa o tagata o te lalolagi, e ala i nā taua, nā oge, nā fāmai, ma e nā manu fekakai i te lalolagi.