Mataio 11:21 - Tokelauan New Testament

²¹ “Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te fai o lātou kofutaga ma lūlū ki o lātou luga te lefulefu, ke fakailoa ai to lātou halamō.

Mataio 11:21 ပူးပေါင်းရင်းမြစ်များ

Mataio 11:22

Kae e takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Tulo ma Haitonu i lo mo koutou.

Mataio 15:21

Kua tukua e Iehu te mea tēnā ka kua fano ki te kogāfenua e pili ki nā kakai ko Tulo ma Haitonu.

Mataio 18:7

Hāloa te lalolagi ona e i ei nā mea e tutupu ke fakaohooho ai ia tagata ki te agahala! Ko nā mea iēnei e tatau lava ke tutupu — kae hāloa la te tino e māfua ai iēnei mea!

Mataio 26:24

Ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata. Na hili lele atu mo te tino tēnā, anei ake e hēki fānau mai ki te lalolagi”

Maleko 3:8

mai Ieluhalema, mai te kogāfenua ko Ītumaia, mai te kogāfenua i te itū ki hahae o te Iolitana, e vēnā foki ma nā kogāfenua e tafapili ki nā kakai ko Tulo ma Haitonu. Na ōmamai uma ki lātou ki a Iehu i te ki lātou lagonaga o te tala e uiga ki nā mea na ia faia.

Maleko 6:45

Na fakatonu loa lava e Iehu ona hoko ke olo ki luga o he vaka ma ke muamua ki Petehaita i tētahi itū o te vai, kae kua uga e ia te kaifenua ke olo ki o lātou kāiga.

Maleko 7:24

Kua fano kehe ia Iehu mai kinā ka kua fano ki te kogāfenua e pili ki te kakai ko Tulo. Kua ulu atu ki loto o he fale ma e hēki fofou ke iloa e he tino ko ia ei kinā, kae na iloa lava.

Maleko 7:31

Na tukua e Iehu te kogāfenua o Tulo, kae toe foki ki te Vaitūloto ko Kalilaia kui atu i Haitonu ma nā kogāfenua o nā Kakai e Hefulu.

Maleko 8:22

Kua taunuku atu ia Iehu ma ona hoko ki Petehaita, oi ōmamai ai nā tino oi kaumai he tāuaho ki a Iehu. Kua fakatagi atu ki lātou ki a Iehu ke paki ake ona lima ki te tāuaho.

Luka 4:26

Oi ka ko Elia e hēki ugāgia ki he tino e fokotahi o ki lātou, kae na uga ki he fafine kua oti tana āvaga, nae nofo i Halefata, i te itūmālō o Haitonu.

Luka 6:17

Kua fanaifo ia Iehu mai te mauga fakatahi ma te kau apohitolo, oi tū ai i he mea laugatahi ma he vāega tokalahi o ona hoko, fakatahi ma he kaifenua e tokalahi na ōmamai mai Iutea ma Ieluhalema, ma nā kakai tū matāfaga ko Tulo ma Haitonu;

Luka 9:10

Kua toe foki mai te kau apohitolo, ma na taku e ki lātou ki a Iehu nā mea uma na fai e ki lātou. Oi kave ai e ia ki lātou, kua olo nā ko ki lātou ki he kakai e igoa ko Petehaita.

Ioane 1:44

Ko Filipo e hau mai Petehaita, te kakai e nonofo ai ia Anitelea ma Petelu.

Ioane 12:21

Kua olo ki a Filipo (e hau mai Petehaita i Kalilaia) oi fehili vē ki ei, “Te aliki, ko ki mātou e fia feiloaki ma Iehu.”

Gāluega 12:20

Na matuā ita lahi lele ia Helota ki tagata o Tulo ma Haitonu, ko te mea ia na olo fakatahi ai na hui mai nā nuku iēnei oi kikila ia Helota. Na ki lātou mua fakakupua ia Palahito, te kaukauna pule i te fale o te tupu, ke fehoahoani ake ki a te ki lātou. Oi olo ai ki a Helota ma fakatagi ki ei mo he fīlēmū, auā ko nā meakai a o lātou nuku e maua mai i te fenua e pule ai te tupu.

Gāluega 27:3

I te aho na hohoko ai na pa ai ki mātou ki Haitonu. Ko Iulio nae agalelei ki a Paulo ma nae ia fakataga ke fano oi kikila ana uō, ke maua ai nā mea e ia fia maua ke ola ai.

Iuta 1:11

Kai te fakaalofa lele o ki lātou auā kua mulimuli ki te auala na kui ai ia Kaino. Kua fakatakitaki ki te mea hehē a Palaama na fai, kae ke lahi ai ni a lātou tupe e maua. Kua fakatuikehe ki lātou e vē ko te fakatuikehe o Kola, ma e fakaumatia ki lātou e te Atua, vē foki lava ko te mea na pa ki a Kola.

Fakaaliga 11:3

Ka uga atu e au aku molimau e toka lua e lākei i ni kofutaga, ma ka ki lā folafolagia te fekau a te Atua i nā aho iēnā e 1,260.”

Fakaaliga 6:12

Oi kō kitea atu ai te Punuamāmoe e tatala e ia te fakamaufakailoga tona ono. Na lūlū te mafuie lahi ma pōulitia te la e vē he kie vavae uliuli, ma ko te māhina kua lanu kukula kātoa e vē ko te toto.