Mataio 11:16 - Tokelauan New Testament

¹⁶ “He ā nei te ka kō fakatuhagia ki ei nā tino o tēnei tupulaga? E vē ki lātou ko nā tamaiti e nonofo i te māketi ma taukalalaga atu tētahi vāega ki tētahi,

Mataio 11:16 ပူးပေါင်းရင်းမြစ်များ

Mataio 11:15

Kāfai e i ei ni outou taliga, fakalogo mai la!

Mataio 11:17

‘Nae ta atu e ki mātou nā pehe fiafia mo koutou, kae e hē hihiva koutou! Nae uhu atu e ki mātou nā haumate, kae e hē faitatagi koutou!’

Mataio 12:34

Ko koutou e vē ko fānau a gata — e tautatala vēhea koutou ki ni mea lelei ka ko koutou e kino? Auā e tautala te gutu i nā mea e tumu ai te loto.

Mataio 23:36

E takutino atu e au ki a te koutou: ko te fakahalaga mo nā tāmate tino uma iēnei, ka pakū lava ki luga o nā tino o nā aho nei!

Mataio 23:7

e fofou foki ke fakafeiloaki aloakia ake ki lātou e tagata i nā māketi, ma ke takua ki lātou ni ‘Faiakoga.’

Mataio 24:34

E takutino atu e au ki a te koutou, ko nā mea uma iēnei e tutupu, ka ko hēki feoti uma nā tino o te tupulaga tēnei.

Maleko 12:38

Ka koi akoako atu ia Iehu ki a te ki lātou, oi vāgana atu ai ki ei, “Koutou ke fakaeteete i nā faiakoga o te Tūlāfono. E fiafia oi eva i o lātou kofuloloa ma fofou ke fakafeiloaki aloakia ake ki lātou e tagata i te māketi.

Maleko 4:30

Kua lea atu ia Iehu, “He ā nei te ka fakatuha e ki tātou ki ei te Mālō o te Atua? E vēhea nei he talafakatuha ka ki tātou faia ke fakamālamalama ai?

Luka 11:43

“Kae hāloa la koutou te kau Falehaio! E fiafia koutou oi nonofo i nā nofoa fakapitoa i loto o nā hūnako, ma ke fakafeiloaki aloakia koutou e tagata i nā māketi.

Luka 13:18

Oi fehili atu ai ia Iehu, “Ko te Mālō nei o te Atua e vēhea? He ā nei he mea ka fakatuha e au ki ei?