Mataio 11:12 - Tokelauan New Testament

¹² Mai nā aho na tālaki ai e Ioane tana fekau ke pa mai ki te taimi nei, ko te Mālō o te lagi kua āfāina i nā fakahāuāga, ma nā tino fakahāuā e taumafai ke ki lātou pukeagia fakamālohi.

Mataio 11:12 ပူးပေါင်းရင်းမြစ်များ

Mataio 11:11

E takutino atu e au ki a te koutou, i nā tino kua fānanau mai ki te lalolagi, e hēai he tino e hili atu tona tāua i lo Ioane te Papatiho. Kae ko te tino e pito hili ona hē tāua i te Mālō o te lagi, e hili atu la tona tāua i lo Ioane.

Mataio 11:13

Ka ko hēki pa ki te vāitaimi o Ioane, ko te Mālō nae vavaka e te kau pelofeta ma te Tūlāfono a Mohe;

Mataio 3:15

Kae kua tali mai ia Iehu, “Fai vēia ko mo te taimi nei, kae ke fakatino ai nā mea uma kua finagalo ki ei te Atua.” Oi malie ai ki ei ia Ioane.

Luka 13:24

“Taumafai ke kui koutou ki loto i te faitotoka vāiti; auā e lea atu au ki a te koutou, e tokalahi nā tino ka taumafai ke kui ai, kae ka hē mafai.

Luka 16:16

“Ko nā Tūlāfono a Mohe ma nā tuhituhiga a te kau pelofeta, nae fakaaogā lava ke pa ki nā aho o Ioane te Papatiho; na kāmata mai i te taimi tēnā, te folafolaga o te Tala Lelei e uiga ki te Mālō o te Atua, ma kua taumafai ia tagata uma ke olo fakamālohi ki te mea e pule ai te Atua.

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,