Mataio 11:11 - Tokelauan New Testament

¹¹ E takutino atu e au ki a te koutou, i nā tino kua fānanau mai ki te lalolagi, e hēai he tino e hili atu tona tāua i lo Ioane te Papatiho. Kae ko te tino e pito hili ona hē tāua i te Mālō o te lagi, e hili atu la tona tāua i lo Ioane.

Mataio 11:11 ပူးပေါင်းရင်းမြစ်များ

Mataio 11:10

Auā ko Ioane te fakatatau ki ei te tuhituhiga paia e vē mai: ‘Kua vāgana te Atua, kikila, ka uga atu e au taku kavefekau ke muamua atu ia te koe, ke hāuni e ia te auala mo koe.’

Mataio 11:12

Mai nā aho na tālaki ai e Ioane tana fekau ke pa mai ki te taimi nei, ko te Mālō o te lagi kua āfāina i nā fakahāuāga, ma nā tino fakahāuā e taumafai ke ki lātou pukeagia fakamālohi.

Mataio 3:1

I nā aho iēnā, na fano ai ia Ioane te Papatiho ki te vao o Iutea, kua kāmata oi fai ai tana tālakiga.

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Mataio 5:19

Ko te mea ia, ko ai lava e hē uhitaki, e tuha lava pe ko te fakatonuga ia e pito hili ona taigole tona tāua, ma akoako e ia iētahi tino ke fakatakitaki ake ki a te ia, ka kavea ia ma tino e hili atu te hē tāua i te Mālō o te lagi. Kae ko ai lava e uhitaki ma akoako e ia iētahi tino ke fakatakitaki ake ki a te ia, ka kavea ia ma tino e tāua lahi i te Mālō o te lagi.

Luka 1:15

auā ko Ioane ka kavea ma tagata tāua i mua o te Aliki. E hē tatau lele ia ke inu ki he uaina, pe he mea mālohi. Ka fakatumulia ia i te Agaga Paia mai te aho e fānau mai ai,

Luka 7:28

E lea atu au ki a te koutou, i nā tino kua fānanau mai ki te lalolagi, e hēai he tino e hili atu tona tāua i lo Ioane. Kae ko te tino e pito hili ona hē tāua i te Mālō o te Atua, e hili atu la tona tāua i lo Ioane.”

Luka 9:48

kae lea vēnei atu ki a te ki lātou, “Ko ai lava he tino e ia talia te tamaiti tēnei i toku igoa, kua ia talia foki au; ma ko ai lava e ia talia au, e ia talia foki tē na ia uga maia au. Auā ko te tino o koutou e pito hili ona hē tāua, ko ia tēnā e hili atu tona tāua.”

Ioane 1:15

Na molimau ia Ioane e uiga ki a te ia, ma nae taukalaga vēia, “Ko tēnei te tino na lea atu ai au, i toku lea atuga vē, ‘E hau mulimuli ia ia te au, kae e hili atu tona mamalu i lo au, auā nae i ei ia ka ko hēki fānau mai au.’ ”

Ioane 1:27

E mulimuli mai ia ia te au, kae e hē aogā au ke kō tatala ona hēvae.”

Ioane 10:41

E tokalahi nā tino na ōmamai ki a te ia, ma nae lea vē ki lātou, “E hēki faia e Ioane ni fakailoga, kae ko nā mea uma lele na lea mai ai e uiga ki te tino tēnei, kua hako lava.”

Ioane 3:30

E tatau ke kāmata oi fakatāua lahi ia, kae fakaitiitia te tāua o oku.”

Ioane 5:35

Ko Ioane nae vē ko he mōlī e mumū ma huhulu atu, ma nae fiafia koutou i he vāitaimi, ki tona mālamalama.

Ioane 7:39

Ko te kupu tēnei a Iehu na fai fakatatau ki te Agaga Paia, tēia na tuku e maua e nā tino kua talitonu. I te taimi tēnā, ko hēki tuku atua e te Atua te Agaga Paia, auā ko Iehu ko hēki hiki akea ki tona mamalu.

1 Kolinito 15:9

Auā ko au te pito fakatauva i nā apohitolo uma — e hē aogā foki au ke takua he apohitolo, auā ko au nae fakahāuā ki te Ekalehia a te Atua.

1 Kolinito 6:4

Kāfai nā mea vēnei e tutupu, ka kave nei lava e koutou ke fai ki ei he fakaikuga a nā tino e hē i loto o te Ekalehia?

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

2 Timoteo 1:10

kae nei kua fakaalia ki a te ki tātou, e ala i te haele mai o to tātou Fakaola ko Keliho Iehu. Kua fakauma e ia te mālohi o te oti, ma fakailoa mai e ala i te Tala Lelei, te ola e hē uma.

Epelu 11:40

auā kua uma te fai e te Atua hētahi peleni e hili atu te lelei, mo ki tātou. Ko te fuafuaga a te Atua, ke nahe fakakātoatoagia to lātou lelei, heiloga kua i ei fakatahi ki lātou ma ki tātou.

1 Petelu 1:10

Ko te fakaolataga tēnei te na fakaautū ki ei nā hakilikiliga ma nā hukehukega a nā pelofeta, ma na vavalo ai e ki lātou e uiga ki te meaalofa tēnei e tuku atu e te Atua mo koutou.