Mataio 11:1 - Tokelauan New Testament

¹ Kua uma te fai e Iehu o nā fakatonuga iēnei ki ona hoko e toka hefululua, oi fano kehe ai ma kinā kua fano oi akoako ma folafola atu i nā kakai e tafapili ki te mea tēnā.

Mataio 11:1 ပူးပေါင်းရင်းမြစ်များ

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Mataio 7:28

I te umaga o te vāgana atu o Iehu i nā mea iēnei, na ofo lele te kaifenua ki te faiga o ana akoakoga.

Mataio 9:35

Kua fano ia Iehu oi āhiāhi tāmilo ki nā kakai ma nā nuku uma. Na fai ana akoakoga i loto o nā hūnako, tālaki atu te Tala Lelei e uiga ki te Mālō o te Atua, ma fakamālōlō ia tagata e maua i nā tauale kehekehe.

Maleko 6:12

Oi olo ai loa kua tālaki atu ki tagata ke liliu kehe mai ia lātou agahala.

Luka 23:5

Kae kua fakaatili ai to lātou fīnau ma vē mai, “Kua fakaaogā e ia ana akoakoga, ke fakatupu ai te vevehi o tagata i Iutea kātoa. Na kāmata mai i Kalilaia, ma kua pa mai lava ki kinei.”

Luka 8:1

I he taimi mulimuli ake, oi fano ai ia Iehu kua kui atu i nā kakai ma nā nuku, oi tālaki atu te Tala Lelei e uiga ki te Mālō o te Atua. Na olo fakatahi ma ona hoko e toka hefululua,

Ioane 15:10

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 15:14

Ma ko koutou ni uō e āku, kāfai koutou e uhitaki ki nā mea e kō fakatonua ai koutou.

Gāluega 1:2

ke pa lava ki te aho na hikitia ake ai ki te lagi. Ka ko hēki hikitia la, kae fai tana fakatonuga e ala i te mana o te Agaga Paia ki nā taulelea na ia filifilia, ke fai ma ana apohitolo.

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 10:42

Ma na fakatonu mai ki mātou e Iehu ke tālaki te Tala Lelei ki tagata, ma ke molimau ko ia te kua tōfia e te Atua ke fai ma fakamahino o nā tino koi ola, vēnā ma ki lātou kua feoti.

1 Tehalonia 4:2

Auā kua iloa e koutou nā fakahinoga na tuku atu e ki mātou ki a te koutou e ala i te igoa o te Aliki ko Iehu.

2 Tehalonia 3:10

Ka koi fakatahi ki tātou, nae māhani oi lea vē atu ki mātou, “Ko te tino e hē fia galue e hē tatau ke kai.”

2 Tehalonia 3:6

Te kau uho, ko koutou e fakatonu atu e ki mātou i te igoa o to tātou Aliki ko Iehu Keliho. Koutou ke tau mamao lele ma nā tino e ola i he ōlaga paiē, ma hē mulimuli ki nā akoakoga na tuku atu e ki mātou.

1 Timoteo 6:14

ko koe ke uhitaki ki nā fakatonuga kua kavatu mo koe, ma tauhi ki ei ma te fakamāoni, ke pa ki te Aho e toe haele mai ai to tātou Aliki ko Iehu Keliho.