Mataio 10:5 - Tokelauan New Testament

⁵ Kua uga atu e Iehu nā tamāloa iēnei e hefululua ma nā fakatonuga e vēnei: “Ko koutou e hē olo ki he fenua o tagata nukukehe pe he kakai o Hāmālia.

Mataio 10:5 ပူးပေါင်းရင်းမြစ်များ

Mataio 22:3

Kua uga atu e ia ana kaukauna ke logo te kau valakaulia ke ōmamai ki te kaiga; kae kua hē fia ōmamai ki lātou.

Mataio 4:15

“Te fenua o Hepulona ma te fenua o Nafatali, i te auala ki te tai, i tētahi itū o te Iolitana, Kalilaia te fenua e nonofo ai ia tagata nukukehe!

Maleko 6:7

Kua fakapotopoto mai e Iehu ona hoko e toka hefululua, oi uga atu ai e ia ki lātou ke olo tau toka lua. Na tuku atu e ia ki a te ki lātou te pule ke ki lātou pūlea ai nā agaga kino.

Luka 10:1

Kua uma atu te mea tēnei, oi filifili ai e te Aliki iētahi tino e toka fituhefulu lua, oi uga ai tau toka lua ke muamua atu ia te ia, ki nā kakai takitahi ma nā nofoaga kua tuku e kui atu ai ia.

Luka 10:33

Kae ko he Hāmālia na malaga atu foki i te auala tēnā, na tau atu ki te tamāloa, oi na tumu lele tona loto i te alofa i te ia kiteaga o te tamāloa.

Luka 17:16

Kua fakapakū fakapūlou ki te kelekele ki tafa o nā vae o Iehu, ma fakafetai ki ei. Ko te tamāloa ko he Hāmālia.

Luka 9:1

Kua fakapotopoto mai e Iehu ona hoko e toka hefululua, oi tuku atu ai e ia ki a te ki lātou te mana ma te pule ke tuli ai ki fafo nā tēmoni uma, ma fakamālōlō ai nā tauale.

Luka 9:2

Oi uga atu ai e ia ki lātou ke tālaki e uiga ki te Mālō o te Atua, ma fakamālōlō nā tino tauale,

Ioane 17:18

E uga atu e au ki lātou ki te lalolagi, e vē lava ona uga mai au e koe ki te lalolagi.

Ioane 20:21

Kua toe vāgana atu ia Iehu ki a te ki lātou, “Ke ia te koutou te fīlēmū. E vē ona uga mai au e te Tamana ki te lalolagi, e vēnā foki ona uga atu koutou e au ki te lalolagi.”

Ioane 4:20

Ko nā tupuna o ki mātou, nae tāpuaki ki te Atua i luga o te mauga tēnei; kae lea mai koutou tagata Iutaia, ko Ieluhalema te mea e tatau ke tāpuaki ai ki mātou ki te Atua.”

Ioane 4:5

Kua taunuku atu ia Iehu ki Hāmālia, ki te kakai e igoa ki a Haikā, e hē mamao ma te fenua na fōki e Iakopo ki tona ataliki ko Iohefa.

Ioane 4:9

Kua tali mai te fafine, “Ko koe ko he Iutaia, ka ko au ko he Hāmālia — e vēhea la oi lea mai koe ki a te au ke fakainu atu koe?” (E hē mafai e nā tino Iutaia ke fakaaogā e ki lātou ni ipuinu ma ni pēhini na fakaaogā e ni tino Hāmālia.)

Ioane 7:35

Kua fakataufai nā takitaki o Iutaia ma lea vē, “Ko fea nei te mea ka fano ki ei te tagata nei kae ke nahe maua ai ia e ki tātou? E i na ka fano nei ki nā kakai i Eleni, nā mea kua takape ki ei o tātou tagata, ma akoako atu ki nā tino e nonofo ai.

Ioane 8:48

Kua tali atu nā tino Iutaia ki a Iehu, “Aiheā e vē lele e hehē te mea e lea ai ki mātou, ko koe ko he Hāmālia ma e ulufia e he tēmoni?”

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Gāluega 10:45

Na ofo lele nā tino Iutaia kua talitonu ki te Aliki na ōifo ma Petelu mai Iopa, ona e pa foki lava ki nā tagata nukukehe, kua liligi ifo e te Atua tana meaalofa ko te Agaga Paia ki o lātou luga.

Gāluega 8:1

Ma na fiafia ia Haulo i te tāmatega o Hetefano Ko te aho lava tēnā na kāmata ai oi maua ia tagata o te Ekalehia i Ieluhalema i nā fakahāuāga kino. Ma na takape ai ki lātou ki nā kogāfenua uma o Iutea ma Hāmālia, kae vāganā ai te kau apohitolo.

1 Tehalonia 2:16

Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.