Mataio 10:28 - Tokelauan New Testament

²⁸ Ma ia koutou nahe mātataku i nā tino e tāmate e ki lātou te tino o te tagata, kae hē ki lātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o kēna.

Mataio 10:28 ပူးပေါင်းရင်းမြစ်များ

Mataio 10:26

“Koutou la nahe mātataku i tagata; auā e hēai he mea e tatao ke galo ka hē toe kitea, pe mumuni ka hē toe iloa.

Mataio 25:46

Ko nā tino la iēnei, ka kave ki te fakahalaga e pa ki te fakavavau, ka ko nā tino āmiotonu ka maua e ki lātou te ola e fakavavau.”

Mataio 5:22

Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Ioane 5:29

ma ōake ai ki luga mai o lātou tugamau. Ko ki lātou nae faia nā mea lelei, ka fakatutū ma fakaolagia, ka ko ki lātou nae faia nā mea kino, ka fakatutū ma fakahalagia.

Gāluega 21:13

Kae kua vēnei mai tana tali, “He ā te faitatagi vēnā ai koutou ma fai ai ma mea e vāivai ai toku loto? Ko au kua uma te hāuni, e hē gata ke noanoa i Ieluhalema, kae ke mate foki i kinā mo te Aliki ko Iehu.”

Epelu 10:31

Ko he mea e matuā fakamātakutaku lele, kāfai he tino e i lalo o te pule a te Atua ola!

Epelu 11:35

E ala i te fakatuatua na toe feiloaki ai nā fafine ma nā tino o nā kāiga o ki lātou na feoti kae na toe fakatutū mai te oti. Ko iētahi tino e hēki fofou ko ki lātou ke fakahaoloto, ma na feoti ai i nā fakahāuāga kae ke toe fakatutū ai ki lātou ki he ōlaga e hili atu te lelei.

Iakopo 4:12

E fokotahi oioti lava te faitūlāfono ma te fakamahino, ko te Atua. Nā ko ia oioti te ia mafaia oi laveakia he tino pe fakahala. Ko ai la koe, ke fakamahino ai e koe hētahi tino?

1 Petelu 3:14

Kae e tuha foki lava pe puapuagā koutou ona e fai e koutou te mea e hako, ka maua e koutou nā fakamanuiaga. Koutou nahe mātataku i he tino e fokotahi, koutou foki nahe popole.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.