Mataio 10:23 - Tokelauan New Testament

²³ Kāfai koutou e hāuāgia i he kakai, hōhola ki hētahi kakai. Auā e takutino atu e au ki a te koutou, e pa atu ki te taimi e hau ai te Ataliki o te Tagata, ko hēki hoko lava tautou gāluega i nā kakai uma o Ihalaelu.

Mataio 10:23 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 16:28

E takutino atu e au ki a te koutou, e i ei nā tino ka ki lātou kiteagia te Ataliki o te Tagata kāfai ka hau ko ia ko te Tupu, ka ko hēki feoti ki lātou.”

Mataio 2:13

Kua olo kehe nā tino malaga, oi kitea ai e Iohefa he agelu a te Atua i he miti, e lea vē ake, “Ka hakili e Helota te tamaiti ke tāmate. Ko te mea ia, tū loa ki luga kave te tamaiti ma tona mātua oi hōhola ki Aikupito. Nonofo pea i kinā ke toe lea atu au.”

Mataio 23:34

Ko te mea ia, ka kō uga atua ki a te koutou nā pelofeta ma nā tino popoto ma nā faiakoga; ka koutou tāmatea iētahi o ki lātou, ka fakahātaulo iētahi, ma kini iētahi i loto o nā hūnako ma tuli mai tētahi kakai ki tētahi kakai.

Mataio 23:36

E takutino atu e au ki a te koutou: ko te fakahalaga mo nā tāmate tino uma iēnei, ka pakū lava ki luga o nā tino o nā aho nei!

Mataio 24:27

Auā e vē ona napa te uila ma māinafia haukatoa ai te lagi mai hahae ki hihifo, ka vēnā foki lava kāfai te Ataliki o te Tagata e hau.

Mataio 24:30

Ka kitea te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka ki lātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.

Mataio 24:34

E takutino atu e au ki a te koutou, ko nā mea uma iēnei e tutupu, ka ko hēki feoti uma nā tino o te tupulaga tēnei.

Mataio 24:48

Kae kāfai ko ia ko he kaukauna kino, ka lea vē ifo ki a te ia lava, ‘ko toku matai e tuai mai,’

Mataio 25:13

Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.

Mataio 26:64

Kua tali mai ia Iehu, “Ko tēnā lava e lea ai koe. Kae ko au e lea atu ki a te koutou uma, e kāmata atu nei ka koutou kitea te Ataliki o te Tagata e nofo i te itū taumatau o te Hilihilikehe, ma e hau i luga o nā ao o te lagi.”

Mataio 4:12

I te lagonaga e Iehu ko Ioane kua kave ki te falepuipui, oi fano ai ki Kalilaia.

Maleko 13:26

Ma ka kitea atu te Ataliki o te Tagata e haele mai i nā ao, ma te mana, ma te mamalu hilihili kehe.

Luka 18:8

E lea atu au ki a te koutou, ka vave lele oi fehoahoani te Atua ki a te ki lātou. Kae kāfai te Ataliki o te Tagata e hau, e i na ia maua nei he tino fakatuatua i te lalolagi?”

Luka 21:27

Ma ka kitea atu te Ataliki o te Tagata e haele mai i he ao o te lagi, ma te mana ma te mamalu hilihili kehe.

Ioane 7:1

Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.

Gāluega 17:10

Na pa loa lava ki te pō, oi uga ai ia Paulo ma Hila e nā uho Kelihiano ke olo ki Peloia. Kua taunuku atu ki lāua ki kinā, oi olo ai ki te hūnako o tagata Iutaia.

Gāluega 17:14

Oi na uga ai loa e te kau Kelihiano ia Paulo ma ni iētahi taulelea ke olo ki he koga tū matāfaga; kae kua nonofo ia Hila ma Timoteo i Peloia.

Gāluega 20:1

Kua māona atu te vevehitū, oi fakapotopoto ai e Paulo te kau Kelihiano, ma ina kua uma te ia kavatua ki ei o ni kupu fakamākeke, oi fakamāvae atu ai ki a te ki lātou, ma malaga ai loa ki Maketonia.

Gāluega 8:1

Ma na fiafia ia Haulo i te tāmatega o Hetefano Ko te aho lava tēnā na kāmata ai oi maua ia tagata o te Ekalehia i Ieluhalema i nā fakahāuāga kino. Ma na takape ai ki lātou ki nā kogāfenua uma o Iutea ma Hāmālia, kae vāganā ai te kau apohitolo.