Mataio 10:20 - Tokelauan New Testament

²⁰ Auā e hē ko koutou te ka tautatala, ka ko te Agaga o te koutou Tamana e tautala, kui atu ia te koutou.

Mataio 10:20 ပူးပေါင်းရင်းမြစ်များ

Mataio 6:32

Auā ko nā mea uma iēnei e popole pea lava ki ei ia tagata nukukehe; ma e iloa e te koutou Tamana i te lagi ko nā mea uma iēnei e manakomia e koutou.

Maleko 12:36

Ko Tavita lava ia na fakaohofia e te Agaga Paia ke lea vē: ‘Ko te Aliki te Atua na vāgana ki toku Aliki: Nofo i toku itū taumatau, ke pa ki te taimi e tuku ai e au nā fili o koe ki lalo o nā vae o koe.’

Luka 11:13

Kāfai la koutou, e ui lava e kino kae e koutou iloa oi fōki nā mea lelei ma autou fānau, ka hē hili atu nei la te lahi o nā taimi ka uga ifo ai te Agaga Paia e te Tamana i te lagi, ki nā tino e gogō atu ki a te ia!”

Luka 12:12

Auā ka fakaako atu koutou e te Agaga Paia, kāfai e pa ki te taimi tēnā, i nā kupu e tatau ke tautatala ai koutou.”

Luka 21:15

auā ka fōki atu e au ki a te koutou nā kupu o te poto; ma ka hē mafai ai e nā fili o koutou oi tali ki ei, pe ki lātou taku hehēa nā mea e lea ai koutou.

Gāluega 13:9

Oi fakatumulia ai ia Haulo — e igoa foki ki a Paulo — e te Agaga Paia; kua kikila hako atu ia Paulo ki te taulāitu,

Gāluega 2:4

Na fakatumulia ai ki lātou uma i te Agaga Paia, oi kāmata ai oi tautatala i iētahi gagana, e vē ona tuku atu e te Agaga ki a te ki lātou te mana ke tautatala ai.

Gāluega 28:25

Oi na fekehekeheaki ai lava ki lātou ma tākape ai lava, ka kua uma ai te lea vē atu o Paulo i te mea tēnei e fokotahi: “Kai te hako lele o te vāgana a te Agaga Paia ki nā tupuna o koutou, na kui mai i te pelofeta ko Ihaia!

Gāluega 4:8

Na fakatumulia ia Petelu i te Agaga Paia, oi tali vē atu ai ki ei, “Koutou nā takitaki o te nuku ma toeaina:

Gāluega 6:10

Kae kua tuku atu e te Agaga o te Atua ki a Hetefano te poto, ma kua hē mautali ai ki lātou ki a te ia.

2 Kolinito 13:3

Kua ia te koutou nā fakamāoniga uma ko Keliho e tautala kui atu ia te au. Ko Keliho e hē vāivai kāfai e fakatonu e ia koutou, kae e ia fakaalia tona mālohi i te fakatahi o ia ma koutou.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

2 Petelu 1:21

Auā e hēai he fekau na fakailoa mai e nā pelofeta, na kaumai ona ko he loto o he tino, kae na kaumai e ni tino ei lalo o te pule a te Agaga Paia, i nā taimi e ki lātou fakailoa ai te fekau mai te Atua.